മോസില്ല ഫയർഫോക്സ് ഉപയോക്താക്കൾ ജാഗ്രതൈ, ഗുരുതരമായ സുരക്ഷാ പിഴവുകൾ

മോസില്ല ഫയർഫോക്സ് ഉപയോഗിക്കുന്നവരാണെങ്കിൽ ജാഗ്രത പാലിക്കണമെന്ന് സർക്കാർ. ഫയർഫോക്സ് ഉപയോക്താക്കൾക്കായി ഇന്ത്യൻ കംപ്യൂട്ടർ എമർജൻസി റെസ്‌പോൺസ് ടീം (CERT-In) പുതിയ സുരക്ഷാ മുന്നറിയിപ്പ് പുറപ്പെടുവിക്കുകയും ബ്രൗസറിലെ ഗുരുതരമായ കേടുപാടുകൾ ചൂണ്ടിക്കാണിക്കുകയും ചെയ്തു. ബ്രൗസർ ഉടനടി അപ്‌ഡേറ്റ് ചെയ്യുകയും സാധ്യമായ ആക്രമണങ്ങളിൽ നിന്ന്  സിസ്റ്റത്തെ സുരക്ഷിതമാക്കുകയും ചെയ്യേണ്ടത് പ്രധാനമാണെന്നെന്ന് വിദഗ്ദർ പറയുന്നു.

മോസില്ല ഫയർഫോക്സ്, തണ്ടർ ബേർഡ് എന്നിവയുടെ പ്രത്യേക പതിപ്പുകൾ ചൂഷണം ചെയ്യപ്പെടാനുള്ള സാധ്യത കൂടുതലാണെന്ന് മുന്നറിയിപ്പ് നൽകുന്നു.  ബിൽറ്റ്-ഇൻ സുരക്ഷാ സവിശേഷതകൾ മറികടക്കാൻ ആക്രമണകാരികൾക്ക് കഴിയും എന്നതാണ് ഭയപ്പെടുത്തുന്ന ഒരു പ്രശ്നം.

CERT-In ഉപയോക്താക്കളോട് അവരുടെ സോഫ്റ്റ്‌വെയർ ഉടൻ അപ്‌ഡേറ്റ് ചെയ്യാൻ ഉപദേശിച്ചു.  ഏറ്റവും പുതിയ Firefox അല്ലെങ്കിൽ Thunderbird പതിപ്പുകൾ പ്രവർത്തിപ്പിക്കുകയാണെങ്കിൽ  ഉപകരണത്തിൻ്റെ സുരക്ഷ ഉറപ്പാക്കാൻ കഴിയും.താഴെ നൽകിയിരിക്കുന്നത് പരിശോധിക്കാം: 

മോസില്ല ഫയർഫോക്സ്, തണ്ടർ ബേർഡ് എന്നിവയിലെ അപ്‌ഡേറ്റുകൾ പരിശോധിക്കുന്നത് എങ്ങനെയെന്നത് ഇതാ:

∙മോസില്ല ഫയർഫോക്സിലോ തണ്ടർബേർഡിലോ മെനു തുറക്കുക.

∙"സഹായം" വിഭാഗത്തിലേക്ക് പോകുക.

∙"ഫയർഫോക്സിനെ കുറിച്ച്" അല്ലെങ്കിൽ "തണ്ടർബേർഡിനെ കുറിച്ച്" ക്ലിക്ക് ചെയ്യുക.

∙ലഭ്യമായ അപ്‌ഡേറ്റുകൾ പരിശോധിച്ച് അവ സ്വയമേവ ഇൻസ്റ്റാൾ ചെയ്യാൻ അനുവദിക്കുക.

∙ഒരു അപ്ഡേറ്റ് ലഭ്യമാണെങ്കിൽ, അത് ഇൻസ്റ്റാൾ ചെയ്യാൻ നിർദ്ദേശങ്ങൾ പാലിക്കുക.

∙പൂർത്തിയായിക്കഴിഞ്ഞാൽ, നിങ്ങളുടെ സോഫ്‌റ്റ്‌വെയർ കാലികമാണെന്ന് സൂചിപ്പിക്കുന്ന ഒരു പച്ച ചെക്ക്‌മാർക്ക് നിങ്ങൾ കാണും.