ബിഎസ്എൻഎല്ലിൽ സിഗ്നൽ കിട്ടുന്നില്ല, പരാതിയുമായി ഉപയോക്താക്കൾ; പ്രശ്നം ഈ സ്ഥലങ്ങളിൽ

എയർടെൽ ഉപയോക്താക്കൾക്ക് കഴിഞ്ഞ ദിവസങ്ങളിൽ സിഗ്നൽ പ്രശ്നം നേരിട്ടതിനുപിന്നാലെ ബിഎസ്എൻഎൽ ഉപയോക്താക്കളും പരാതിയുമായി രംഗത്തെത്തി.രാജ്യത്തുടനീളമുള്ള ഭാരത് സഞ്ചാർ നിഗം ​​ലിമിറ്റഡ് (ബിഎസ്എൻഎൽ) ഉപയോക്താക്കൾക്ക് ഇന്റർനെറ്റ് ആക്സസ് ചെയ്യാനും ഫോൺ വിളിക്കാനും കഴിയുന്നില്ലെന്നാണ് സോഷ്യൽ മീഡിയയിൽ  പരാതിപ്പെട്ടിരിക്കുന്നത്.

റിപ്പോർട്ടുകൾ പ്രകാരം നാഗ്പൂരിലെയും കൊൽക്കത്തയിലെയും ഉപയോക്താക്കളെയാണ് ഏറ്റവും കൂടുതൽ ഈ പ്രശ്നം ബാധിച്ചിരിക്കുന്നത്. ഡൗൺഡിറ്റക്ടർ പറയുന്നതിനനുസരിച്ച് 70 ശതമാനം ഉപയോക്താക്കൾക്ക് സിഗ്നൽ തകരാറുണ്ടായി.33 ശതമാനം ഉപയോക്താക്കൾക്ക് ഇന്റർനെറ്റും കോളും ഒന്നും ലഭിച്ചില്ല. 5 ശതമാനം ഉപയോക്താക്കള്‍ ഇന്റർനെറ്റ് കണക്റ്റിവിറ്റിയെക്കുറിച്ചാണ് പരാതിപ്പെട്ടത്. എന്തായാലും സമൂഹമാധ്യമങ്ങളിൽ ട്രോളുകളും മെമെകളും നിറഞ്ഞു.