Job Fair

പത്തു മുതൽ പിജി വരെ, ഏതു യോഗ്യതക്കാർക്കും പങ്കെടുക്കാം; 500+ ഒഴിവുകളുമായി സൗജന്യ തൊഴിൽമേള

ജോലി ഇതുവരെ ആകാത്തവർക്ക് ഇത് സുവർണാവസരം. യോഗ്യത പത്താം ക്ലാസോ, പിജിയോ, ഡിപ്ലോമയോ ആകട്ടെ, നിങ്ങൾ തേടുന്ന ജോലി ഇവിടെ നേടാം. തിരുവനന്തപുരത്ത് നവംബർ 21 നു 30 നും കോട്ടയത്ത് നവംബർ 22 നുമാണ് തൊഴിൽമേള നടക്കുന്നത്. അഞ്ഞൂറിലധികം ഒഴിവുകളിലേക്കാണ് നിയമനം.

തിരുവനന്തപുരത്ത് നവംബർ 21 നു 30 നും

സ്വകാര്യ സ്ഥാപനവുമായി ചേർന്ന് ദേശീയ തൊഴിൽ സേവന കേന്ദ്രം നവംബർ 21 ന് സൗജന്യ പ്ലേസ്മെന്റ് ഡ്രൈവ് നടത്തുന്നു. പട്ടികജാതി/വർഗക്കാർക്കാണ് അവസരം.

നവംബർ 20 നകം ഗൂഗിൾ ലിങ്കിൽ (https://forms.gle/SMLwZtzMB5EmQGJ3A) റജിസ്റ്റർ ചെയ്യണം. ബയോഡേറ്റ, സർട്ടിഫിക്കറ്റുകളുടെ പകർപ്പുകൾ എന്നിവ സഹിതം നവംബർ 21 നു 10 ന് തിരുവനന്തപുരം തൈക്കാട് നാഷനൽ കരിയർ സർവീസ് സെന്റർ ഫോർ എസ്‌സി/എസ്ടി ഓഫിസിൽ ഹാജരാവണം. 0471–2332113. ഫെയ്സ്ബുക് പേജ്: NATIONAL CAREER SERVICE CENTRE FOR SC/ST’s Trivandrum.

∙മോഡൽ കരിയർ സെന്ററും തിരുവനന്തപുരം ടെക്നോപാർക്ക് സെന്ററുമായി ചേർന്ന് നവംബർ 30 ന് സൗജന്യ തൊഴിൽമേള നടത്തുന്നു. ഐടിഐ, ഡിപ്ലോമ, ഡിഗ്രി, പിജി, ബിടെക്, എംടെക്, എംബിഎ യോഗ്യതക്കാർക്കാണ് അവസരം. റജിസ്റ്റർ ചെയ്യാനും വിവരങ്ങൾക്കും: 0471-2304577.

കോട്ടയത്ത് 22 ന്

എംജി സര്‍വകലാശാലാ എംപ്ലോയ്മെന്‍റ് ഇന്‍ഫര്‍മേഷന്‍ ആൻഡ് ഗൈഡന്‍സ് ബ്യൂറോയിലെ മോഡല്‍ കരിയര്‍ സെന്‍ററിന്‍റെ നേതൃത്വത്തിൽ കോട്ടയത്ത് നവംബര്‍ 22നു തൊഴില്‍മേള നടത്തുന്നു.

വിവിധ സ്വകാര്യ സ്ഥാപനങ്ങളിലെ അഞ്ഞൂറിലധികം ഒഴിവുകളിലേക്കാണു മേള. പ്ലസ് ടു, ഡിപ്ലോമ, ഡിഗ്രി യോഗ്യതക്കാർക്കാണ് അവസരം. നവംബര്‍ 21നകം t.ly/KOTTAYAM എന്ന ലിങ്ക് വഴി റജിസ്റ്റര്‍ ചെയ്യണം. www.facebook.com/MCCKTM, 0481-2731025, 94956 28626. 

ലേറ്റസ്റ്റ് കരിയർ, ജോബ് അപ്ഡേറ്റുകൾ വാട്സാപ്പിൽ ലഭിക്കാൻ...

(http://whatsapp.com/channel/0029Vagapv69RZANx6yFbt2Y) ഫോളോ ചെയ്യൂ..