latest vacancies

സ്റ്റൈപ്പൻഡ് 50,000, പരിശീലന ശേഷം 40,000-1,40,000 രൂപ ശമ്പളത്തിൽ റെഗുലർ നിയമനം; വമ്പൻ അവസരവുമായി കൊച്ചിൻ ഷിപ്‌യാർഡ്

കൊച്ചിൻ ഷിപ്‌യാഡ് ലിമിറ്റഡിൽ വമ്പൻ അവസരം. എക്സിക്യൂട്ടീവ് ട്രെയിനിയുടെ 44 ഒഴിവിലേക്ക് ഇപ്പോൾ അപേക്ഷിക്കാം. മുംബൈ, കൊൽക്കത്ത, ആൻഡമാൻ നിക്കോബാർ എന്നിവിടങ്ങളിലും നിയമനമുണ്ടാകാം. ഒരു വർഷ പരിശീലനം, തുടർന്ന് റഗുലർ നിയമനം. ജനുവരി 6 വരെ ഒാൺലൈനായി അപേക്ഷിക്കാം.

വിഭാഗങ്ങളും യോഗ്യതയും:
∙മെക്കാനിക്കൽ, ഇലക്ട്രിക്കൽ, ഇലക്ട്രോണിക്സ്, നേവൽ ആർക്കിടെക്ചർ, സിവിൽ: ബന്ധപ്പെട്ട വിഭാഗങ്ങളിൽ എൻജിനീയറിങ് ബിരുദം.
∙ഐടി: കംപ്യൂട്ടർ സയൻസ്/ ഐടിയിൽ എൻജിനീയറിങ് ബിരുദം അല്ലെങ്കിൽ കംപ്യൂട്ടർ ആപ്ലിക്കേഷൻസ്/കംപ്യൂട്ടർ സയൻസ്/ ഐടിയിൽ പിജി.
∙എച്ച്ആർ: എംബിഎ എച്ച്ആർ അല്ലെങ്കിൽ എച്ച്ആർ സ്പെഷലൈസേഷനോടെയുള്ള ബിരുദം/ ഡിപ്ലോമ അല്ലെങ്കിൽ എംഎസ്ഡബ്ല്യു (പഴ്സനേൽ മാനേജ്മെന്റ്/ ലേബർ വെൽഫെയർ ആൻഡ് ഇൻഡസ്ട്രിയൽ റിലേഷൻസ് സ്പെഷലൈസേഷനോടെ) അല്ലെങ്കിൽ പഴ്സനേൽ മാനേജ്മെന്റിൽ പിജി.
∙ഫിനാൻസ്: ഇൻസ്റ്റിറ്റ്യൂട്ട് ഒാഫ് ചാർട്ടേഡ് അക്കൗണ്ട്സ് ഒാഫ് ഇന്ത്യ/ ഇൻസ്റ്റിറ്റ്യൂട്ട് ഒാഫ് കോസ്റ്റ് അക്കൗണ്ട്സ് ഒാഫ് ഇന്ത്യയുടെ ഫൈനൽ പരീക്ഷാ ജയം.
∙പ്രായപരിധി: 27.
∙സ്റ്റൈപൻഡ്: പരിശീലന സമയത്ത് 50,000 രൂപ സ്റ്റൈപൻഡ് ലഭിക്കും. തുടർന്ന് 40,000-1,40,000 രൂപ ശമ്പളത്തോടെ അസിസ്റ്റന്റ് മാനേജർ തസ്തികയിൽ നിയമനം.
∙ഫീസ്: 1000. ഒാൺലൈനായി അടയ്ക്കാം. പട്ടികവിഭാഗക്കാർക്ക് ഫീസില്ല.
∙ തിരഞ്ഞെടുപ്പ്: ഒബ്ജക്ടീവ് ടൈപ് ഒാൺലൈൻ ടെസ്റ്റ്, ഗ്രൂപ് ഡിസ്കഷൻ, ഇന്റർവ്യൂ എന്നിവ മുഖേന.
www.cochinshipyard.in

ലേറ്റസ്റ്റ് കരിയർ, ജോബ് അപ്ഡേറ്റുകൾ വാട്സാപ്പിൽ ലഭിക്കാൻ...

(http://whatsapp.com/channel/0029Vagapv69RZANx6yFbt2Y) ഫോളോ ചെയ്യൂ...