ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ
Mail This Article
അശ്വതി: ക്രിയാത്മക നടപടികളിൽ ആത്മാർഥമായി പ്രവർത്തിക്കുവാൻ അവസരമുണ്ടാകും. അധ്വാനഭാരത്താൽ അവധിയെടുക്കും.
ഭരണി: പ്രതികൂല കാലാവസ്ഥയായതിനാൽ ബന്ധു ഗൃഹത്തിലേക്കുള്ള യാത്ര മാറ്റിവയ്ക്കും. പ്രതിസന്ധികളിൽ തളരാതെ പ്രവർത്തിക്കുവാനുള്ള ആർജവമുണ്ടാകും.
കാർത്തിക: ദീർഘവീക്ഷണത്തോടു കൂടിയ കർമപദ്ധതികൾക്ക് രൂപരേഖ തയാറാക്കും. മത്സര രംഗങ്ങളിൽ വിജയിക്കും.
രോഹിണി: പ്രതീക്ഷിച്ച ലാഭം ഇല്ലാത്തതിനാൽ വസ്തുവിൽപന തൽക്കാലം നിർത്തിവയ്ക്കും. പിതാവിന് ഔദ്യോഗികമായി ഉയർച്ചയുണ്ടാകും.
മകയിരം: പ്രവർത്തനശൈലിയിൽ കാലോചിതമായ പരിഷ്കാരങ്ങൾ വരുത്തുവാൻ തയാറാകും. ചിരകാലാഭിലാഷ പ്രാപ്തിയായ വിദേശയാത്രയ്ക്ക് അനുമതി ലഭിക്കും.
തിരുവാതിര: ഗൃഹത്തിനു വാസ്തുശാസ്ത്ര പിഴ ഉണ്ടോ എന്നു പരിശോധിക്കും. പരമാധികാര പദവിക്കുള്ള പരീക്ഷയിൽ വിജയിക്കും.
പുണർതം: വ്യവസ്ഥകൾക്കതീതമായി പ്രവർത്തിക്കുവാൻ സാധിക്കും. പ്രലോഭനങ്ങൾ പലതും വന്നുചേരുമെങ്കിലും ആത്മസംയമനം പാലിക്കുകയാണ് നല്ലത്.
പൂയം: സ്വയംഭരണാധികാരം ലഭിച്ചതിനാൽ പല പദ്ധതികളും പ്രാവർത്തികമാക്കുവാൻ ആസൂത്രണം ചെയ്യും. വിശേഷപ്പെട്ട ദേവാലയ ദർശനത്താൽ ആശ്വാസമുണ്ടാകും.
ആയില്യം: സുഹൃത്‌നിർദേശത്താൽ ഉദ്യോഗം ഉപേക്ഷിക്കുവാനുള്ള തീരുമാനം തൽക്കാലം ഉപേക്ഷിക്കും. ഹ്രസ്വകാല പാഠ്യപദ്ധതിയിൽ ചേരും.
മകം: പദ്ധതി ആസൂത്രണങ്ങളിൽ ലക്ഷ്യപ്രാപ്തി നേടും. സർവർക്കും സ്വീകാര്യമായ നിലപാട് അംഗീകരിക്കുവാൻ തയാറാകും. ആത്മവിശ്വാസത്തോടു കൂടി പരീക്ഷയെഴുതുവാൻ സാധിക്കും.
പൂരം: പൊതുപ്രവർത്തനങ്ങളിൽ സജീവമാകയാൽ സമൂഹത്തിൽ ഉന്നതരെ പരിചയപ്പെടുവാൻ അവസരമുണ്ടാകും. വിതരണരംഗം വിപുലമാക്കുവാൻ തയാറാകും.
ഉത്രം: ഉദ്യോഗത്തിനു പുറമേ ലാഭശതമാന വ്യവസ്ഥകളോടു കൂടിയ പ്രവർത്തനങ്ങൾക്കു തുടക്കം കുറിക്കും. അവധിയെടുത്ത് വിവാഹം, പിറന്നാൾ തുടങ്ങിയവയിൽ പങ്കെടുക്കും.
അത്തം: ഏകാഗ്രതയും കാര്യനിർവഹണ ശക്തിയും വർധിക്കുന്നതിനാൽ കൂടുതൽ ചുമതലകൾ ഏറ്റെടുക്കും. ഔദ്യോഗികമായ അനിശ്ചിതാവസ്ഥ തരണം ചെയ്യുവാൻ പ്രത്യേക ഈശ്വരപ്രാർഥനകൾ നടത്തും.
ചിത്തിര: മത്സരരംഗങ്ങളിൽ വിജയിക്കും. സുദീർഘമായ ചർച്ചയിലൂടെ സങ്കീർണമായ പ്രശ്നങ്ങൾക്കു പരിഹാരം കണ്ടെത്തും.
ചോതി: മംഗള വേളയിൽ വച്ച് പുതിയ സ്നേഹബന്ധം ഉടലെടുക്കും. വിദേശ ഉദ്യോഗത്തിന് നിയമനാനുമതി ലഭിക്കും.
വിശാഖം: അനവസരങ്ങളിലുള്ള വാക്കുകൾ തിരുത്തുവാൻ ജീവിതപങ്കാളിയുടെ യുക്തിപൂർവമുള്ള സമീപനം സഹായകമാകും. വ്യാപാരത്തിൽ ഉണർവ് കണ്ടുതുടങ്ങും.
അനിഴം: ഇടപെടുന്ന കാര്യങ്ങളിൽ അന്തിമമായി വിജയമുണ്ടാകും. ബൃഹത് പദ്ധതികൾ ഉപേക്ഷിച്ചു ചെറിയ പദ്ധതികൾക്ക് തുടക്കം കുറിക്കും.
തൃക്കേട്ട: വിദഗ്ധോപദേശം തേടി ചെയ്യുന്ന പ്രവർത്തനങ്ങൾ ലക്ഷ്യപ്രാപ്തി കൈവരിക്കും. വിദേശയാത്രയ്ക്ക് സാങ്കേതിക തടസ്സങ്ങൾ അനുഭവപ്പെടും.
മൂലം: അപരിചിതരുമായുള്ള ആത്മബന്ധത്തിന് അതിർത്തി നിശ്ചയിക്കും. പുത്രപൗത്രാദി സംരക്ഷണം മനസ്സമാധാനത്തിന് വഴിയൊരുക്കും.
പൂരാടം: വിതരണ രംഗങ്ങളിൽ ക്രമാനുഗതമായ വളർച്ച അനുഭവപ്പെടും. കാർഷിക രംഗങ്ങളിൽ താൽപര്യം വർധിക്കും.
ഉത്രാടം: ഉപരിപഠനത്തിന്റെ അന്തിമ ഭാഗമായ പദ്ധതി സമർപ്പണത്തിന് തയാറാകും. വിശ്വാസവഞ്ചനയിലകപ്പെടാതെ സൂക്ഷിക്കണം.
തിരുവോണം: പരമാവധി ആത്മാർഥമായി പ്രവർത്തിക്കുന്നതിനാൽ തൊഴിൽ മേഖലയിലുള്ള അനിശ്ചിതാവസ്ഥകൾ തരണം ചെയ്യും. ദുശ്ശീലങ്ങൾ ഉപേക്ഷിക്കുവാൻ ആത്മപ്രചോദനമുണ്ടാകും.
അവിട്ടം: തൊഴിൽ മേഖലകളോടു ബന്ധപ്പെട്ടു ദൂരയാത്രകൾ വേണ്ടിവരും.
ചതയം: അന്തരീക്ഷത്തിലെ അനുകൂലമായ മാറ്റം ഉദരരോഗ പീഡകൾക്ക് ശമനമുണ്ടാക്കും. വാഹന ഉപയോഗത്തിൽ വളരെ സൂക്ഷിക്കണം.
പൂരുരുട്ടാതി: സർവർക്കും സ്വീകാര്യമായ പ്രവർത്തനങ്ങൾ കാഴ്ചവയ്ക്കുവാൻ സാധിക്കും. വർഷങ്ങൾക്കു മുൻപ് വാങ്ങിയ ഭൂമിയിൽ ഗൃഹനിർമാണ പ്രവർത്തനങ്ങൾ തുടങ്ങും.
ഉത്തൃട്ടാതി: അസാധാരണ വ്യക്തിത്വമുള്ളവരുമായി സൗഹൃദ ബന്ധത്തിലേർപ്പെടുവാൻ അവസരമുണ്ടാകും.
രേവതി: ആരാധനാലയത്തിലെ ഉത്സവാഘോഷങ്ങൾ, വാർഷികാഘോഷം, ബന്ധുവിന്റെ ഗൃഹപ്രവേശം തുടങ്ങി വിവിധോദ്ദേശ്യങ്ങൾക്കായി അവധിയെടുക്കും.
