ഐസർ പ്രവേശന പരീക്ഷ: ആദർശിന് ഒന്നാം റാങ്ക്

ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എജ്യുക്കേഷൻ ആൻഡ് റിസർച് (ഐസർ) പ്രവേശന പരീക്ഷയിൽ മഞ്ചേരി തൃക്കലങ്ങോട് സ്വദേശി വി. ആദർശിന് ഒന്നാം റാങ്ക്. 180ൽ 165 മാർക്കാണ് നേടിയത്. ചെന്നൈ മാത്തമാറ്റിക്കൽ ഇൻസ്റ്റിറ്റ്യൂട്ട് ബിഎസ്‍സി ഓണേഴ്സ് ഒന്നാം വർഷ വിദ്യാർഥിയായ ആദർശ് കാരക്കുന്ന് ജിഎച്ച്എസ്എസിലെ അധ്യാപകൻ പി.എൻ.വിനോദ് കുമാറിന്റെയും ഗവ.ബോയ്സ് ഹയർ സെക്കൻഡറി സ്കൂളിലെ അധ്യാപിക സിന്ധുവിന്റെയും മകനാണ്. പ്രവേശന പരീക്ഷ കൂടാതെ കെവിപിവൈ, ജെഇഇ അഡ്വാൻസ്ഡ് എന്നിവ മാനദണ്ഡമാക്കിയും ഐസറിൽ പ്രവേശനം നേടാം. ഇവയ്ക്കു പ്രത്യേക പട്ടികകളാണ്. 

Content Summary: V Adarsh: First Rank Holder IISER Entrance Examination