ശമ്പളം: 25,500 രൂപ മുതൽ 81,100 രൂപ വരെ; പ്ലസ്‌ ടു ജയിച്ച സ്പോർട്സ് താരങ്ങളെ കാത്തിരിക്കുന്നത് അസുലഭ അവസരം
Mail This Article
സെൻട്രൽ ഇൻഡസ്‌ട്രിയൽ സെക്യൂരിറ്റി ഫോഴ്‌സിൽ (സിഐഎസ്‌എഫ്) 215 സ്പോർട്സ് ക്വോട്ട ഒഴിവുകളിലേക്ക് 28 വരെ അപേക്ഷിക്കാം. ഹെഡ്‌ കോൺസ്‌റ്റബിൾ (ജനറൽ ഡ്യൂട്ടി) തസ്തികയിലാണ് ഒഴിവ്. ദേശീയ/സംസ്‌ഥാന തലങ്ങളിൽ കഴിവു തെളിയിച്ച വനിതാ / പുരുഷ താരങ്ങൾക്കാണ് അവസരം.
∙വിദ്യാഭ്യാസ യോഗ്യത: പ്ലസ്‌ ടു ജയം/തത്തുല്യം.
∙പ്രായം: 18–23 (2023 ഓഗസ്റ്റ് 1 അടിസ്ഥാനമാക്കി). അർഹർക്ക് ചട്ടപ്രകാരം ഇളവ്.
∙ശമ്പളം: 25,500– 81,100 രൂപ.
∙സ്പോർട്സ് യോഗ്യത: വ്യക്‌തിഗത/ടീം ഇനങ്ങളിൽ രാജ്യാന്തര ടൂർണമെന്റിൽ സീനിയർ/ജൂനിയർ തലത്തിൽ രാജ്യത്തെ പ്രതിനിധീകരിച്ചിരിക്കണം; അല്ലെങ്കിൽ സീനിയർ/ജൂനിയർ നാഷനൽ ഗെയിംസ്/ചാംപ്യൻഷിപ്പിൽ മെഡൽ വേണം; അല്ലെങ്കിൽ നാഷനൽ ഗെയിംസ്/ചാംപ്യൻഷിപ്പിന്റെ സീനിയർ/ജൂനിയർ തലത്തിൽ സംസ്‌ഥാനത്തെ പ്രതിനിധീകരിച്ചവരാകണം; അല്ലെങ്കിൽ ദേശീയ ഇന്റർ യൂണിവേഴ്‌സിറ്റി ചാംപ്യൻഷിപ്പിൽ മെഡൽ വേണം; അല്ലെങ്കിൽ ദേശീയ സ്‌കൂൾ ഗെയിംസ്/ചാംപ്യൻഷിപ്പിൽ സ്വർണ മെഡൽ നേടിയവരാകണം. (2021 ജനുവരി 1–2023 നവംബർ 28 കാലയളവിൽ നടന്ന മത്സരങ്ങളായിരിക്കണം).
∙ശാരീരിക യോഗ്യത: പുരുഷൻ–ഉയരം 167 സെ.മീ, നെഞ്ചളവ് 81–86 സെ.മീ, സ്ത്രീ– ഉയരം 153 സെ.മീ, നെഞ്ചളവ് ബാധകമല്ല. ശാരീരികയോഗ്യത സംബന്ധിച്ച വിശദവിവരങ്ങൾ വെബ്സൈറ്റിൽ.
∙അപേക്ഷാ ഫീസ്: 100 രൂപ. എസ്‌സി/എസ്ടി, വനിതാ അപേക്ഷകർക്കു ഫീസില്ല. ഒഴിവുള്ള സ്പോർട്സ് ഇനങ്ങൾ, അപേക്ഷിക്കേണ്ട വിധം ഉൾപ്പെടെ വിശദവിവരങ്ങൾക്ക്: https://cisfrectt.cisf.gov.in
