109.6 കോടി രൂപ ചെലവിൽ ഡിജിറ്റൽ സർവകലാശാലയ്ക്ക് ആസ്ഥാനമന്ദിരം

തിരുവനന്തപുരം ∙ കേരള ഡിജിറ്റൽ സർവകലാശാലയ്ക്ക് തിരുവനന്തപുരം ടെക്‌നോസിറ്റിയിൽ 109.6 കോടി രൂപ ചെലവിൽ ആസ്ഥാനമന്ദിരം നിർമിക്കുന്നതിനു മന്ത്രിസഭാ യോഗം ഭരണാനുമതി നൽകി. നാലുനിലക്കെട്ടിടം 2024-25ൽ പൂർത്തിയാകും.

ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി ആൻഡ് മാനേജ്‌മെന്റ് കേരള (ഐഐഐടിഎംകെ) ആണ് ഡിജിറ്റൽ സർവകലാശാലയായത്. ഇൻസ്റ്റിറ്റ്യൂട്ട് പ്രവർത്തിച്ചിരുന്ന മന്ദിരമാണ് ഇപ്പോൾ സർവകലാശാലയുടെ അക്കാദമിക് ബ്ലോക്ക്. ഇതിനു പുറമേയാണ് ആസ്ഥാനമന്ദിരം സ്ഥാപിക്കുന്നത്.