ഇന്റേൺഷിപ്പും, ജോബ് അസിസ്റ്റൻസുമുണ്ട്: സ്കോളർഷിപ്പോടെ ബ്ലോക്ചെയിൻ പഠിക്കാം

തിരുവനന്തപുരം ∙ കേരള ഡിജിറ്റൽ സർവകലാശാലയുടെ കീഴിലുള്ള കേരള ബ്ലോക്ചെയിൻ അക്കാദമി ‘ബ്ലോക്ചെയിൻ 360’ പരിശീലനം സംഘടിപ്പിക്കുന്നു. തിരുവനന്തപുരം, കൊച്ചി, കോഴിക്കോട് കേന്ദ്രങ്ങളിലാണ് 4 മാസത്തെ പരിശീലനം. ആദ്യ ബാച്ച് 16ന് തിരുവനന്തപുരം ക്യാംപസിൽ ആരംഭിക്കും.  

ഇന്റേൺഷിപ്, ജോബ് അസിസ്റ്റൻസ് എന്നിവയുണ്ടാകും. പട്ടികജാതി, പട്ടികവർഗ, ട്രാൻസ്ജെൻഡർ, മത്സ്യത്തൊഴിലാളി, ഭിന്നശേഷി, സ്ത്രീ, സിംഗിൾ പേരന്റ് വിമൻ തുടങ്ങിയ പാർശ്വവൽക്കരിക്കപ്പെട്ട വിഭാഗക്കാർക്ക് ഫീസിൽ 100% കിഴിവ് നൽകും. കൂടാതെ, കേരള നോളജ് ഇക്കോണമി മിഷൻ (KKEM) പോർട്ടലിലൂടെ അപേക്ഷിക്കുന്നവർക്ക് 60% ഫീസിളവുണ്ട്. വെബ്: https:kba.ai/. ഫോൺ: 6238210114