ഐഐപിഎസിൽ എംഎ ജനസംഖ്യാപഠനം വിദൂരശൈലിയിൽ

ജനസംഖ്യാപഠന രംഗത്തെ ശ്രദ്ധേയ സ്ഥാപനമായ മുംബൈ ഇന്റർനാഷനൽ ഇൻസ്റ്റിറ്റ്യൂട്ട് ഫോർ പോപ്പുലേഷൻ സയൻസസിൽ വിദൂരപഠന പ്രോഗ്രാമായ എംഎ പോപ്പുലേഷൻ സ്റ്റഡീസിന് ഓഗസ്റ്റ് 10 വരെ അപേക്ഷിക്കാം. കേന്ദ്ര ആരോഗ്യമന്ത്രാലയത്തിന്റെ നിയന്ത്രണത്തിലുള്ള കൽപിത സർവകലാശാലയായ ഇവിടത്തെ ഈ പ്രോഗ്രാമിന് യുജിസി ഡിസ്റ്റൻസ് എജ്യുക്കേഷൻ ബ്യൂറോയുടെ അംഗീകാരമുണ്ട്.

കോഴ്സ് പൂർത്തിയാക്കാൻ 4 വർഷം വരെയും എടുക്കാം. ആകെ ഫീസ് 30,000 രൂപ. ഏതെങ്കിലും വിഷയത്തിൽ 50% എങ്കിലും മാർക്കോടെ ബിരുദം വേണം. അപേക്ഷാഫീ 1,000 രൂപ. പിന്നാക്ക, സാമ്പത്തിക പിന്നാക്ക വിഭാഗങ്ങളിൽ നിന്നുള്ളവർക്ക് 500 രൂപ. പട്ടിക, ഭിന്നശേഷി വിഭാഗക്കാർക്ക് 250 രൂപ. ജോലിയുള്ളവർ സ്ഥാപനങ്ങളിൽനിന്നുള്ള എൻഒസി സമർപ്പിക്കണം.