മനോരമ ഓൺലൈൻ – റോട്ടറി റൈല: കോളജ് വിദ്യാർഥികൾക്ക് റജിസ്റ്റർ ചെയ്യാം
Mail This Article
കോട്ടയം ∙ മനോരമ ഓൺലൈൻ, കോട്ടയം ഇൗസ്റ്റ് റോട്ടറി ക്ലബ് എന്നിവർ സംയുക്തമായി സംഘടിപ്പിക്കുന്ന റോട്ടറി ഡിസ്ട്രിക്ട്–3211 റൈലയിൽ കോളജ് വിദ്യാർഥികൾക്കു റജിസ്റ്റർ ചെയ്യാം. നവംബർ 28 നു രാവിലെ 9 മുതൽ 4.30 വരെ ജെയിൻ യൂണിവേഴ്സിറ്റി കൊച്ചി ഇൻഫോപാർക്ക് ക്യാംപസിലാണ് ക്ലാസ്.18 – 30 വയസ്സ് പ്രായപരിധിയിലുള്ള വിദ്യാർഥികൾക്ക് പങ്കെടുക്കാം. റജിസ്റ്റർ ചെയ്യുന്ന വിദ്യാർഥികളിൽനിന്നു സംഘാടക സമിതി തിരഞ്ഞെടുക്കുന്നവർക്കു മാത്രമാണ് നേതൃത്വ പരിശീലന ക്യാംപിൽ പങ്കെടുക്കാൻ അവസരം. എറണാകുളം കലക്ടർ എൻ.എസ്.കെ ഉമേഷ്, ഷെഫ് സുരേഷ് പിള്ള, ജെയിൻ സർവകലാശാല ന്യൂ ഇനീഷ്യേറ്റീവ്സ് ഡയറക്ടർ ടോം എം. ജോസഫ്, ഛായാഗ്രാഹകനും തിരക്കഥാകൃത്തുമായ ബാഹുൽ രമേഷ്, സംവിധായകൻ ദിൻജിത്ത് അയ്യത്താൻ, എഴുത്തുകാരി ശാലിനി നായർ, മുൻ എംഎൽഎ കെ.എസ്.ശബരീനാഥൻ, രാജ്യാന്തര ക്രിക്കറ്റ് കമന്റേറ്റർ ശ്രീദത്ത് എസ്.പിള്ള, റോട്ടറി ഡിസ്ട്രിക്ട്–3211 ഗവർണർ സുധി ജബ്ബാർ, മനോരമ ഒാൺലൈൻ കോഓർഡിനേറ്റിങ് എഡിറ്റർ സന്തോഷ് ജോർജ് ജേക്കബ്, സംരംഭകനും മോട്ടിവേഷനൽ സ്പീക്കറുമായ സുരേഷ് മാത്യു എന്നിവർ ക്ലാസെടുക്കും. വിവരങ്ങൾക്ക്: 9847047819
