പണം മോഷ്ടിച്ച് മേശവലിപ്പിൽ കൊണ്ടിടുന്ന പക്ഷി; ഇങ്ങനെപോയാൽ ഉടമ കുടുങ്ങും– വിഡിയോ

പക്ഷികൾ ഭക്ഷണസാധനങ്ങൾ മോഷ്ടിച്ച് തിന്നുന്നത് കണ്ടിട്ടുണ്ടാകും. എന്നാൽ പണം മോഷ്ടിക്കുന്നത് കണ്ടിട്ടുണ്ടോ? മോഷ്ടിക്കുക മാത്രമല്ല, അത് ഭദ്രമായി വീടിന്റെ മേശവലിപ്പിൽ കൊണ്ട് വയ്ക്കുന്നുമുണ്ട്. സമൂഹമാധ്യമങ്ങൾ ദിവസങ്ങളായി പ്രചരിച്ചുവരികയാണ് ഒരു വളർത്തുപക്ഷിയുടെ വ്യത്യസ്തമാർന്ന മോഷണം.

ജനൽ വഴി പറന്നെത്തിയ പക്ഷി അകത്തെ ഡ്രോയർ തുറക്കുകയും ചുണ്ടിൽ ഉണ്ടായിരുന്ന കറൻസി അതിലേക്ക് ഇടുകയും ചെയ്യുന്നു. ആ മേശവലിപ്പിനകത്ത് നിറയെ നോട്ടുകൾ കാണാനാകും. ഇതെല്ലാം പക്ഷി മോഷ്ടിച്ചുകൊണ്ടുവന്നതാണോ എന്ന് വ്യക്തമല്ല. പണവുമായെത്തുന്ന പക്ഷിയുടെ കള്ളത്തരം അറിയാൻ ആ വീട്ടിലെ നായ മേശവലിപ്പിനടുത്തേക്ക് എത്തുന്നുണ്ട്. അദ്ഭുതത്തോടെ അവൻ എല്ലാം കണ്ടുനിൽക്കുകയായിരുന്നു.

വിഡിയോ ചൈനയിൽ നിന്നുള്ളതാണെന്നാണ് വിവരം. എന്തായാലും ഈ പക്ഷി ഇതുപോലെ കള്ളത്തരം തുടർന്നാൽ വൈകാതെ ഉടമ ജയിലിൽ ആകേണ്ടിവരുമെന്ന് വിഡിയോ കണ്ടവർ പറയുന്നു.

Content Highlights:  Steal | Money | Bird | Theft