കുട്ടി ചന്തയിൽ നിന്ന് പച്ചക്കറി വാങ്ങി, പണം കൊടുത്ത് കുരങ്ങൻ; 2 കോടി പേരുടെ ഹൃദയംകവർന്ന വിഡിയോ

വീട്ടിൽ കുട്ടികളുണ്ടെങ്കിലും അവർക്കൊപ്പമായിരിക്കും ഒട്ടുമിക്ക അരുമകളും. പിഞ്ചുകുഞ്ഞ് ആണെങ്കിൽ അതനുസരിച്ച് നിൽക്കാൻ മൃഗങ്ങൾക്കറിയാം. സാധാരണ പൂച്ചയും നായ്ക്കുട്ടികളുമാണ് കുഞ്ഞുങ്ങളുടെ കൂട്ടുകാർ. എന്നാൽ ഇവിടെ ഒരു കുരങ്ങനാണ് കുട്ടിയുടെ ഉറ്റചങ്ങാതി. പച്ചക്കറി വാങ്ങാൻ കുട്ടിക്കൊപ്പം പോയ കുരങ്ങന്റെ വിഡിയോ സമൂഹമാധ്യമങ്ങളിൽ വൈറലാണ്. 1.2 കോടിയിലധികം ആളുകളാണ് വിഡിയോ കണ്ടത്.

തലയിൽ തൊപ്പിയും വച്ച് എത്തിയ കുട്ടിക്കൊപ്പം ബനിയനും നിക്കറും ഇട്ട കുട്ടിക്കുരങ്ങനും ഉണ്ടായിരുന്നു. പച്ചക്കറി കടയിലെത്തിയ കുട്ടിയുടെ കൈയിൽ വിൽപ്പനക്കാരി കവർ കൈമാറി. ഉടൻതന്നെ കുരങ്ങൻ തന്റെ കൈയിലുണ്ടായിരുന്ന പണം  വിൽപ്പനക്കാരിക്ക് നൽകുകയായിരുന്നു. പിന്നീട് കുട്ടിയുടെ കൈയിൽപിടിച്ച് വലിച്ചുകൊണ്ടുപോകുന്നതും കാണാം. കുരങ്ങന്റെ പ്രവൃത്തികളെ കടക്കാരും ആളുകളും അദ്ഭുതത്തോടെയാണ് കണ്ടത്.