മനോരമ ഓൺലൈൻ മൊബൈൽ ഫൊട്ടോഗ്രഫി മത്സരം: വിജയികളെ പ്രഖ്യാപിച്ചു

ലോക പരിസ്ഥിതി ദിനത്തോടനുബന്ധിച്ച് മനോരമ ഓൺലൈൻ സംഘടിപ്പിച്ച ഇക്കോ വിഷൻ മൊബൈൽ ഫൊട്ടോഗ്രഫി മത്സരത്തിലെ വിജയികളെ തിരഞ്ഞെടുത്തു. ഒന്നാം സമ്മാനം  ചെങ്ങന്നൂർ സ്വദേശിയായ ഗബ്രിയേൽ എം. വർഗീസ്, രണ്ടാം സമ്മാനം പാലാ സ്വദേശിയായ വിഷ്ണു സാബു, മൂന്നാം സമ്മാനം തിരുവനന്തപുരം സ്വദേശിയായ ആഷിക് എ.എസ് എന്നിവർ സ്വന്തമാക്കി. 

ഒന്നാം സ്ഥാനം കരസ്ഥമാക്കിയ വ്യക്തിക്ക് 7000 രൂപയാണ് സമ്മാനത്തുക. രണ്ടാംസ്ഥാനത്തിന് 5000 രൂപയും മൂന്നാം സ്ഥാനം നേടിയ ആൾക്ക് 3000 രൂപയും സമ്മാനമായി നൽകും. ഫൊട്ടോഗ്രാഫർമാർ ഉൾപ്പെട്ട വിദഗ്ധ ജൂറിയാണ് വിജയികളെ തിരഞ്ഞെടുത്തത്.

രണ്ടാഴ്ചയോളം നീണ്ട മത്സരത്തിൽ ലോകത്തെ വിവിധ കോണുകളിൽനിന്നായി നിരവധിപ്പേരാണ് മത്സരത്തിൽ പങ്കെടുത്തത്. പരിസ്ഥിതിയുടെ മനോഹാരിത, കാലാവസ്ഥാ മാറ്റം, ഭൂമിയുടെ ജൈവവൈവിധ്യം എന്നിവയുടെ നേർക്കാഴ്ചകളായിരുന്നു ഒട്ടുമിക്ക ചിത്രങ്ങളും.

മത്സരത്തിൽ തിരഞ്ഞെടുത്ത മികച്ച 10 ചിത്രങ്ങൾ കാണാം