കണ്ണാടിയിൽ ആദ്യമായി തന്റെ മുഖം കാണുന്ന കുതിര; റിയാക്ഷൻ വിഡിയോ വൈറൽ

കണ്ണാടിയിൽ സ്വന്തം മുഖം കണ്ട് അമ്പരന്ന് കുതിര. ഭിത്തിയിൽ തൂക്കിയിട്ടിരിക്കുന്ന ചെറിയ കണ്ണാടിയിലാണ് അവിചാരിതമായി തന്റെ മുഖം കണ്ടത്. ഇതാരാണെന്ന മട്ടിൽ കണ്ണാടിയുടെ പല വശങ്ങളിലായി കുതിര നോക്കുന്നുണ്ട്. ഇതിന്റെ വിഡിയോ സമൂഹമാധ്യമങ്ങളിൽ വൈറലാവുകയാണ്.

കുറച്ചുനേരം നോക്കിനിന്നിട്ടും കണ്ണാടിയിൽ കണ്ടയാൾ പോകുന്നില്ലെന്ന് അറിഞ്ഞപ്പോൾ മൂക്കുകൊണ്ട് കണ്ണാടിയിൽ തൊട്ടു. താൻ ചെയ്യുന്നതുപോലെ അപ്പുറത്തെയാളും ചെയ്യുന്നത് കണ്ടതോടെ കുതിര അവിടെനിന്നും സ്ഥലം വിടുകയായിരുന്നു. മൃഗങ്ങളെ മാത്രമല്ല, കുഞ്ഞുങ്ങളെയും ആദ്യമായി കണ്ണാടി കാണിച്ചാൽ ഇതുപോലുള്ള രസകരമായ പ്രതികരണങ്ങൾ കാണാമെന്ന് വിഡിയോ കണ്ടവർ പറയുന്നു.

Content Highlights: Horse | Viral Video