ആഡംബര, സൂപ്പർകാറുകൾ അടുത്തു കാണണോ? മനോരമ ഓട്ടോ എക്സ്പോ അവസരമൊരുക്കും

ആഡംബര കാറുകളും സൂപ്പർ കാറുകളും സൂപ്പർ ബൈക്കുകളും ഒരുമിച്ച് കാണാനുള്ള അവസരമൊരുക്കി മലയാള മനോരമ ഓട്ടോ വേൾഡ് എക്സ്പോ. ഫെബ്രുവരി 24, 25, 26 തീയതികളിൽ നെടുമ്പാശേരിയിലെ സിയാൽ കൺവൻഷൻ സെന്ററിൽ നടക്കുന്ന ഓട്ടോഎക്സ്പോയിലാണ് ഈ വാഹനങ്ങൾ നേരിട്ടു കാണാൻ അവസരം ഒരുക്കുന്നത്. 

പോർഷെ, ഫോക്സ്‌വാഗൻ, ഹാർലി ഡേവിഡ്സൺ, ബിഎംഡബ്ല്യു, ലംബോർഗിനി, ജഗ്വാർ, ഡ്യുകാറ്റി, മെഴ്സിഡീസ്, ഔഡി, ബെനലി, ലെക്സസ്, സ്കോഡ, ബിവൈഡി, എംജി, നിസ്സാൻ, സിട്രോൺ, ഓജസ്, പോളാരിസ്, കിയ, ടൊയോട്ട, റിവോൾട്ട്, ഏഥർ, വോൾവോ, ഹ്യുണ്ടേയ്, ടാറ്റ, ഭാരത് ബെൻസ്, ജീപ്പ്, ഹീറോ, റോയൽ എൻഫീൽഡ്, ഇന്ത്യൻ, ജോയ് ബൈക്സ് തുടങ്ങി നിരവധി ബ്രാൻഡുകളുടെ വാഹനങ്ങൾ എക്സ്പോയിലുണ്ടാകും.

രാവിലെ 11 മുതൽ വൈകിട്ട് 8 വരെ നടക്കുന്ന പ്രദർശനത്തിൽ വാഹന ലോകത്തെ നിരവധി പ്രമുഖർ പങ്കെടുക്കുന്നുണ്ട്. ന്യൂഡൽഹി ഓട്ടോ എക്സ്പോയിൽ പ്രദർശിപ്പിച്ച വാഹനങ്ങൾ ഷോറൂമിലെത്തും മുമ്പ് ഇവിടെ കാണാം. അമ്പതിലധികം ഓട്ടമൊബീൽ ബ്രാൻഡുകൾ, ആഡംബര കാറുകൾ, ബൈക്കുകൾ, ഇലക്ട്രിക് വാഹനങ്ങൾ, വിന്റേജ് കാറുകൾ എന്നിവയുടെ പ്രദർശനം ഓട്ടോവേൾഡ് എക്സ്പോയിലുണ്ടാകും. 

കൂടാതെ ഗതാഗത നിയമ ബോധവൽക്കരണ പരിപാടികളും സൂപ്പർ കാറുകളുടേയും സൂപ്പർ ബൈക്കുകളുടേയും പ്രത്യേക പ്രദർശനവുമുണ്ടാകും. എനർജി മാനേജ്മെന്റ് സെന്റർ കാഴ്ചവയ്ക്കുന്ന ഇമൊബിലിറ്റി വാഹന ശ്രേണിയും വാഹന വായ്പയെക്കുറിച്ചറിയാൻ ബാങ്കുകളുടെ സ്റ്റാളും എക്സ്പോയിലുണ്ട്. ഓട്ടോ എക്സ്പോ 2023–ന്റെ ടൈറ്റിൽ സ്പോൺസർ ഫെഡറൽ ബാങ്കും പവേഡ് ബൈ സ്പോൺസർ ജെയിൻ ഓൺലൈനുമാണ്, ഇന്ത്യൻ ഓയിൽ സെർവോയെ‌ കൂടാതെ, മൊബിലിറ്റി പാർട്ണർ കെ എംആർഎൽ, നോളജ് പാർട്ണർ ഐഎസ്എസ്ഡി, പാർട്ണർ ഇഎംസി, മെഡിക്കൽ പാർട്ണർ അപ്പോളോ അഡ്‌ലക്സ്, ഫുഡ് പാർട്ണർ നില, ഫ്ലേവർ പാർട്ണർ മെർസിലി എന്നിവരുമാണ്. 

ടിക്കറ്റുകൾ കൗണ്ടറുകളിൽനിന്ന് വാങ്ങാം. മേളയിൽ പങ്കെടുക്കാൻ താൽപര്യമുള്ളവർക്ക് സ്റ്റാളുകൾ ബുക്ക് ചെയ്യാൻ ഇപ്പോഴും അവസരമുണ്ട്. കൂടുതൽ വിവരങ്ങൾക്കും സ്റ്റാൾ ബുക്ക് ചെയ്യുന്നതിനും ബന്ധപ്പെടുക–8714615265, 7736234111

English Summary: Super Car and Luxury Cars in Malayala Manorama Auto World Expo-2023