എണ്ണക്കറുപ്പിൻ ഏഴഴകിൽ ഗ്ലോസ്റ്റർ ബ്ലാക്ക് സ്റ്റോം; വില 40.29 ലക്ഷം

എംജി ഗ്ലോസ്റ്ററിന്റെ അഡ്വാൻസ്ഡ് ബ്ലാക്ക് സ്റ്റോം എഡിഷൻ അവതരിപ്പിച്ച് എംജി മോട്ടോർ ഇന്ത്യ. രാജ്യത്തെ ആദ്യ ഓട്ടണമസ് ലെവൽ-1 പ്രീമിയം എസ്‌യുവിയാണിത്. 40,29,800 രൂപയാണ് എക്സ് ഷോറൂം വില.

സ്നോ, മഡ്, സാൻഡ്, ഇക്കോ, സ്പോർട്, നോർമൽ, റോക്ക് എന്നിങ്ങനെ ഏഴ് മോഡലുകളുള്ള ഓൾ-ടെറെയ്ൻ സംവിധാനമാണ് ബ്ലാക്ക് സ്റ്റോമിനുള്ളത്. വാഹനത്തിന്റെ ഡ്രൈവർ അസിസ്റ്റ് സിസ്റ്റം സുരക്ഷ കൂടുതൽ മെച്ചപ്പെടുത്തുന്നു. ഡ്യുവൽ പനോരമിക് ഇലക്ട്രിക് സൺറൂഫ്, 12-വേ പവർ അഡ്ജസ്റ്റബിൾ ഡ്രൈവർ സീറ്റ്, ഡ്രൈവർ സീറ്റ് മസാജ് ആൻഡ് വെന്റിലേഷൻ എന്നീ സവിശേഷതകളും വാഹനത്തിനുണ്ട്.

158.5 കെഡബ്ല്യു പവർ നൽകുന്ന സെഗ്‌മെന്റ് ഫസ്റ്റ് ട്വിൻ-ടർബോ ഡീസൽ എൻജിൻ ഉൾപ്പെടുന്ന 2 ലീറ്റർ ഡീസൽ എൻജിൻ അഡ്വാൻസ്ഡ് ഗ്ലോസ്റ്റർ ബ്ലാക്ക് സ്റ്റോമിന് കൂടുതൽ കരുത്തു പകരും.

English Summary: MG Gloster Blackstorm edition launched at Rs 40.30 lakh