ഒറ്റ ചാർജിൽ 625 കി.മീ, 2 കോടി രൂപയുടെ ബിഎംഡബ്ല്യു ഐ 7ൽ ജാക്വിലിൻ ഫെർണാണ്ടസ്
![jacqueline-fernandez Jacqueline Fernandez](https://img-mm.manoramaonline.com/content/dam/mm/mo/fasttrack/auto-news/images/2023/8/11/jacqueline-fernandez.jpg?w=1120&h=583)
Mail This Article
ബിഎംഡബ്ല്യുവിന്റെ അത്യാഡംബര ഇലക്ട്രിക് സെഡാൻ സ്വന്തമാക്കി ബൊളീവുഡ് നടി ജാക്വിലിൻ ഫെർണാണ്ടസ്. എക്സ്ഷോറൂം വില ഏകദേശം 2 കോടി രൂപ വരുന്ന ഐ 7 സെഡാനാണ് ജാക്വിലിന്റെ പുതിയ വാഹനം. ബിഎംഡബ്ല്യു നിരയിലെ ഏറ്റവും വലിയ ഇലക്ട്രിക് സെഡാനാണ് ഐ7.
സെവൻ സീരിന് സമാനമായ ഇലക്ട്രിക് എസ്യുവി ഐ 7ൽ നിരവധി ആഡംബര ഫീച്ചറുകളുണ്ട്. 14.9 ഇഞ്ച് ഇൻട്രുമെന്റ് ക്ലസ്റ്ററും 12.3 ഇഞ്ച് ടച്ച് സ്ക്രീൻ ഇൻഫോടെയിൻമെന്റ് സിസ്റ്റം എന്നിവയുണ്ട്. കൂടാതെ പിൻ സീറ്റ് യാത്രക്കാർക്കായി റൂഫിൽ 31.3 ഇഞ്ച് 8k ഫോൾഡബിൾ ഡിസ്പ്ലെയുമുണ്ട്.
ഒറ്റ ചാർജിൽ 625 കിലോമീറ്റർ വരെ സഞ്ചാര ദൂരം നൽകുന്ന 101.7 kWh ബാറ്ററിയാണ് വാഹനത്തിൽ. 544 എച്ച്പി കരുത്തും 745 എൻഎം ടോർക്കുമുള്ള ഇലക്ട്രിക് മോട്ടറാണ് കാറിൽ ഉപയോഗിക്കുന്നത്. പത്തു മുതൽ 80 ശതമാനം വരെ 34 മിനിറ്റിൽ ചാർജാകും എന്നത് ഐ 7ന്റെ മറ്റൊരു പ്രത്യേകതയാണ്.
English Summary: Jacqueline Fernandez Bought New BMW i7 Electric Luxury Sedan Worth Rs 2 Crore