FOCUS FEATURE

വൻ ഓഫറുകളുമായി ഒല; 20000 രൂപ കുറവ്, 7000 രൂപയുടെ ചാർജിങ് ഫ്രീ

ഇലക്ട്രിക് സ്കൂട്ടറുകളിലേക്ക് മാറാൻ ഒരുങ്ങുന്നവർക്ക് മികച്ച അവസരം ഒരുക്കി ഒല ഇലക്ട്രിക്. എസ് വൺ നിരയിലെ സ്കൂട്ടറുകൾക്ക് വൻ ഇളവുകളുമായിട്ടാണ് ഒല എത്തിയിരിക്കുന്നത്. ബോസ് (ബിഗസ്റ്റ് ഒല സീസൺ സെയിൽ) എന്ന് പേരിട്ടിരിക്കുന്ന പദ്ധതി പ്രകാരം എസ്‍വൺ മോഡലുകൾക്ക് 20,000 രൂപ വരെ കിഴിവുകളും 25,000 രൂപ വരെ വിലമതിക്കുന്ന അധിക ആനുകൂല്യങ്ങളും ലഭിക്കും. 

‘ബോസ്’ സ്കീമിൽ ലഭിക്കുന്ന ആനുകൂല്യങ്ങൾ 

∙ ഒല എസ്1 നിരയുടെ ഷോറൂം വില ആരംഭിക്കുന്നത് 74,999 രൂപ മുതൽ

∙ എസ്1 നിരയിലെ എല്ലാ സ്കൂട്ടറുകൾക്ക് 20,000 രൂപ വരെ കിഴിവ്

∙ 25,000 രൂപ വരെയുള്ള അധിക ആനുകൂല്യങ്ങൾ:

∙ 7,000 രൂപ വിലയുള്ള 8- വർഷം/80,000 കി.മീ ബാറ്ററി വാറന്റി സൗജന്യമായി ലഭിക്കും

∙ തിരഞ്ഞെടുത്ത ക്രെഡിറ്റ് കാർഡ് ഇഎംഐകളിൽ 5,000 രൂപ വരെ ധനസഹായ വാഗ്ദാനങ്ങൾ 

∙ 6,000 രൂപ വിലയുള്ള സൗജന്യ മൂവ് ഒഎസ്+ അപ്‌ഗ്രേഡും 7,000 രൂപ വരെ വിലയുള്ള സൗജന്യ ചാർജിങ് ക്രെഡിറ്റുകളും

ഒലയുടെ എസ് വൺ നിരയിലെ മോഡലുകൾ ഇവ

ആറ് വ്യത്യസ്ത മോഡലുകളാണ് എസ് വൺ ശ്രേണിയിൽ ഒല വാഗ്ദാനം ചെയ്യുന്നത്. പ്രീമിയം മോഡലുകളായ എസ് 1 പ്രോ, എസ് 1 എയർ എന്നിവയ്ക്ക് യഥാക്രമം 1,34,999 രൂപയും, 1,07,499 രൂപയുമാണ് വില. മാസ് മാർക്കറ്റിന് ഉദ്ദേശിച്ച് പുറത്തിറക്കിയിരിക്കുന്ന എസ് 1 എക്സ് നിരയിലെ 2 കെഡബ്ല്യുഎച്ച്, 3 കെഡബ്ല്യുഎച്ച്, 4 കെഡബ്ല്യുഎച്ച് എന്നീ മോഡലുകളുടെ വില യഥാക്രമം 74,999 രൂപ, 87,999 രൂപ, 101,999 രൂപയുമാണ്.

ഈ വർഷം 1000 സർവീസ് കേന്ദ്രങ്ങൾ

ഒല ഇലക്ട്രിക് അടുത്തിടെ ആരംഭിച്ച ഹൈപ്പർസർവീസ് പ്രചാരണത്തിന്റെ ഭാഗമായി വർഷം ഡിസംബറോടെ സേവന ശൃംഖല ഇരട്ടിയിൽ അധികം വർധിപ്പിച്ച് 1,000 കേന്ദ്രങ്ങളാക്കി മാറ്റാനാണ് കമ്പനി ലക്ഷ്യം. കൂടാതെ, ഇന്ത്യയിലുടനീളം അതിന്റെ വിൽപന, സേവന ശൃംഖല വിപുലീകരിക്കുന്നതിനായി നെറ്റ്‌വർക്ക് പാർട്ണർ പ്രോഗ്രാമിന്റെ ഭാഗമായി, 2025 അവസാനത്തോടെ നെറ്റ്‌വർക്ക് 10,000 ആയി ഉയർത്താൻ പദ്ധതിയുണ്ട്. ഇന്ത്യയിലെ എല്ലാ മെക്കാനിക്കുകളെയും ഇവി- റെഡി ആക്കുന്നതിന് ഒല ഇലക്ട്രിക് 1 ലക്ഷം തേർഡ്-പാർട്ടി മെക്കാനിക്കുകളെ പരിശീലിപ്പിക്കുകയും ചെയ്യും.

2024 ഓഗസ്റ്റിൽ നടന്ന വാർഷിക 'സങ്കൽപ്' പരിപാടിയിൽ, റോഡ്‌സ്റ്റർ എക്സ് (2.5 കെഡബ്ല്യുഎച്ച്, 3.5 കെഡബ്ല്യുഎച്ച്, 4.5 കെഡബ്ല്യുഎച്ച്), റോഡ്‌സ്റ്റർ (3.5 കെഡബ്ല്യുഎച്ച്, 4.5 കെഡബ്ല്യുഎച്ച്, 6 കെഡബ്ല്യുഎച്ച്), റോഡ്‌സ്റ്റർ എന്നിവ ഉൾപ്പെടുന്ന റോഡ്‌സ്റ്റർ മോട്ടോർസൈക്കിൾ സീരീസ് പുറത്തിറക്കുന്നതായി കമ്പനി പ്രഖ്യാപിച്ചിരുന്നു. പ്രോ (8 കെഡബ്ല്യുഎച്ച്, 16 കെഡബ്ല്യുഎച്ച്). ഇലക്ട്രിക് മോട്ടോർസൈക്കിളുകൾ സെഗ്‌മെന്റില്‍ തന്നെ ആദ്യമായി അവതരിപ്പിക്കുന്ന നിരവധി ഫീച്ചറുകളും പ്രകടന സവിശേഷതകളും ഈ മോട്ടർസൈക്കിളുകൾ വാഗ്ദാനം ചെയ്യുന്നു, അവയുടെ വില യഥാക്രമം 74,999, 1,04,999, 1,99,999 രൂപയിൽ നിന്ന് ആരംഭിക്കുന്നു.