കൈ തെളിയിച്ചാൽ മാത്രം ഡ്രൈവിങ് ലൈസൻസ്!
Mail This Article
×
ഡ്രൈവിങ് ലൈസൻസിനു പ്രബേഷൻ കാലയളവ് കൊണ്ടുവരുന്ന കാര്യം പരിഗണനയിലാണെന്നു ഗതാഗത കമ്മിഷണർ സി.എച്ച്.നാഗരാജു പറഞ്ഞു. ഡ്രൈവിങ് ടെസ്റ്റ് പാസായാൽ പ്രബേഷനറി ലൈസൻസ് നൽകും. തുടർന്നുള്ള 6 മാസമോ ഒരു വർഷമോ നീളുന്ന പ്രബേഷൻ കാലയളവിൽ അപകടരഹിത യാത്ര ഉറപ്പാക്കിയാലേ യഥാർഥ ലൈസൻസ് നൽകൂ. യാത്ര അപകടരഹിതമാക്കി പുതിയ ഡ്രൈവിങ് സംസ്കാരം സൃഷ്ടിക്കുകയാണു ലക്ഷ്യം. ഡ്രൈവിങ് ടെസ്റ്റിന്റെ രീതി മാറ്റും. ലേണേഴ്സ് ടെസ്റ്റിൽ ചോദ്യങ്ങളുടെ എണ്ണം കൂട്ടും, നെഗറ്റീവ് മാർക്ക് വരും. ഇതു 3 മാസത്തിനുള്ളിൽ നടപ്പാക്കും.
എച്ച്, 8 എന്ന ഡ്രൈവിങ് ടെസ്റ്റ് രീതി മാറ്റി യഥാർഥ റോഡിലെ സാഹചര്യങ്ങൾ ഉൾപ്പെടുത്തിയാകും ടെസ്റ്റ് നടത്തുക. അക്രഡിറ്റഡ് ഡ്രൈവിങ് സ്കൂളുകൾ ഉടൻ ഉണ്ടാകുമെന്നും ഗതാഗത കമ്മിഷണർ പറഞ്ഞു.
English Summary:
Kerala considers probationary driving licenses with original licenses issued after 6 months of accident-free driving. Learner's test to include negative marking within 3 months.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.