ബ്രാന്‍ഡന്‍ബുര്‍ഗ് തിരഞ്ഞെടുപ്പിൽ എസ്​പിഡി പാര്‍ട്ടിക്ക് നേട്ടം

ബര്‍ലിന്‍ ∙ ജര്‍മനിയിലെ ബ്രാന്‍ഡന്‍ബുര്‍ഗില്‍ ഞായറാഴ്ച നടന്ന തിരഞ്ഞെടുപ്പില്‍ ചാന്‍സലര്‍ ഒലാഫ് ഷോള്‍സിന്‍റെ എസ്​പിഡി പാര്‍ട്ടിക്ക് നേട്ടം. കുടിയേറ്റവിരുദ്ധ പാര്‍ട്ടിയായ തീവ്ര വലതുപക്ഷ എഎഫ്ഡിയെക്കാള്‍ മികച്ച പ്രകടനം എസ്​പിഡി പാര്‍ട്ടി കാഴച്ച വച്ചത് കുടിയേറ്റം ആഗ്രഹിക്കുന്നവർക്ക് നല്ലതാണെന്ന് റിപ്പോർട്ടുകൾ സൂചിപ്പിക്കുന്നു. 

ദേശീയ ഭരണപാര്‍ട്ടിയായ സോഷ്യല്‍ ഡെമോക്രാറ്റുകള്‍ക്ക്  32 സീറ്റും, എഎഫ്ഡിയ്ക്ക്  30 സീറ്റും, സാറാ വാഗ്നെഹ്റ്റിന്‍റെ ബിഎസ്​ഡബ്ല്യു പാര്‍ട്ടിക്ക്  14 സീറ്റും,സിഡിയുവിന് 12 സീറ്റുമാണ് ലഭിച്ചത്. ഇത്തവണ 73% പോളിങ്ങാണ് രേഖപ്പെടുത്തിയത്. അടുത്ത വര്‍ഷം സെപ്റ്റംബർ 28 ന് നടക്കാനിരിക്കുന്ന ഫെഡറല്‍ തിരഞ്ഞെടുപ്പിന് മുന്നോടിയായുള്ള സര്‍ക്കാരിന്‍റെ ആത്മവിശ്വാസത്തിന്‍റെ പരീക്ഷണമായാണ് സംസ്ഥാന തിരഞ്ഞെടുപ്പ് വിലയിരുത്തപ്പെടുന്നത്.

സമാധാനവും കുടിയേറ്റവും വോട്ടര്‍മാരുടെ പ്രധാന പ്രശ്നങ്ങളാണെന്ന് ഇത്തവണയും തെളിയിക്കുന്ന തിരഞ്ഞെടുപ്പായിരുന്നു ഇതെന്ന് വിഗ്ദധർ വിലിയിരുത്തുന്നു.