കൊളോണില്‍ ബൈബിള്‍ കണ്‍വന്‍ഷന്‍ 18 മുതല്‍ 20 വരെ
Mail This Article
കൊളോണ്‍∙ ജര്‍മനിയിലെ കൊളോണ്‍ അതിരൂപതയിലെയും, ആഹന്‍, എസ്സന്‍ രൂപതയിലെയും ഇന്‍ഡ്യന്‍ കാത്തലിക് കമ്യൂണിറ്റിയുടെ കൊളോണിലെ സീറോ മലബാര്‍ റീത്ത് കൂട്ടായ്മയില്‍ ബൈബിള്‍ കണ്‍വന്‍ഷന്‍ ഒക്ടോബര്‍ 18 മുതല്‍ 20 വരെ നടക്കും.
പ്രശസ്ത വചനപ്രഘോഷകന്‍ ഫാ.സേവ്യര്‍ ഖാന്‍ വട്ടായിലാണ് കണ്‍വന്‍ഷനില്‍ വചന ചിന്തകള്‍ പങ്കുവെയ്ക്കുന്നത്.
18 ന് വെള്ളിയാഴ്ച വൈകുന്നേരം അഞ്ചു മണി മുതല്‍ എട്ടു മണി വരെയും, ശനിയാഴ്ച രാവിലെ 10 മുതല്‍ വൈകുന്നേരം 6 മണി വരെയും, ഞായറാഴ്ച രാവിലെ 10.30 മുതല്‍ വൈകുന്നേരം 6 മണി വരെയുമാണ് പരിപാടികള്‍. കൊളോണ്‍ മ്യൂള്‍ഹൈമിലെ തിരുഹൃദയ ദേവാലയത്തിലാണ് (Herz Jesu Kirche, Danzierstr.53, 51063 Koeln) പരിപാടികള്‍ നടക്കുന്നത്.
ശനി, ഞായര്‍ ദിവസങ്ങളില്‍ ഉച്ചഭക്ഷണവും ക്രമീകരിച്ചിട്ടുണ്ട്. കണ്‍വന്‍ഷനിലേയ്ക്ക് ഏവരേയും സ്വാഗതം ചെയ്യുന്നതായി പള്ളിക്കമ്മറ്റി അറിയിച്ചു.
Bible Convention in Cologne October 18-20
