സൂര്യപ്രകാശം കിട്ടുന്നത് വർഷത്തിൽ 2 മാസം മാത്രം; മഞ്ഞുമൂടിയ ഗ്രീൻലാൻഡ്

ഗ്രീൻലാൻഡ് ∙ ആർട്ടിക് മേഖലയിലാണു സ്ഥിതിചെയ്യുന്നതെങ്കിലും ഗ്രീൻലാൻഡ് യൂറോപ്യൻ രാജ്യമായ ഡെൻമാർക്കിന്റെ കീഴിലാണ്. ഭൂമിശാസ്ത്രപരമായി വടക്കേ അമേരിക്കൻ ഭൂഖണ്ഡത്തിന്റെ ഭാഗം; രാഷ്ട്രീയ, സാംസ്കാരിക ബന്ധങ്ങൾ യൂറോപ്പുമായി.

1979 ലാണ് ഹിതപരിശോധനയിലൂടെ സ്വയംഭരണം ലഭിച്ചത്. കഷ്ടിച്ച 57,000 പേരുള്ള ഗ്രീൻലാൻഡ് ലോകത്തെ ഏറ്റവും വലിയ ദ്വീപു കൂടിയാണ്. തുടർച്ചയായി സൂര്യപ്രകാശം കിട്ടുന്നത് വർഷത്തിൽ 2 മാസം മാത്രം. 80% ഭാഗവും മഞ്ഞുമൂടിക്കിടക്കുന്നു; ചിലയിടങ്ങളിൽ ഈ മഞ്ഞുപുതപ്പിന് 4 കിലോമീറ്റർ വരെ കട്ടിയുണ്ടാകും. ആഗോളതാപനം മൂലം ഇതിനൊക്കെ മാറ്റം വന്നു തുടങ്ങിയിട്ടുണ്ട്.