വേനൽക്കാലം: സായിദ് രാജ്യാന്തര വിമാനത്താവളത്തിൽ വാഹന പാർക്കിങ് നിരക്കിൽ ഇളവ്

അബുദാബി ∙ വേനൽക്കാലം പ്രമാണിച്ച്  സായിദ് രാജ്യാന്തര വിമാനത്താവളത്തിൽ (എയുഎച്ച്) പാർക്കിങ് ഏരിയയിൽ കുറച്ച് ദിവസത്തേയ്ക്ക് വാഹന പാർക്കിങ് നിരക്കിൽ ഇളവ്.  

2-3 ദിവസത്തേയ്ക്ക് 225 ദിർഹം, 4-7 ദിവസത്തേയ്ക്ക് 325 ദിർഹം, 8-14 ദിവസത്തേയ്ക്ക്  400 ദിർഹം എന്നിങ്ങനെയാണ് പുതുക്കിയ നിരക്ക്. ടെർമിനൽ എ–യിലെ ഈ പാർക്കിങ് ഏരിയ ഡിപാർചർ വിഭാഗത്തിൽ നിന്ന് രണ്ട് മിനിറ്റ് മാത്രം അകലെയാണ്. സ്ലോട്ടുകൾ ഓൺലൈനായി മുൻകൂട്ടി ബുക്ക് ചെയ്യണമെന്ന് അധികൃതർ അഭ്യർഥിച്ചു.

എയുഎച്ചി-ലെ സ്റ്റാൻഡേർഡ് പാർക്കിങ് നിരക്ക് 6 മുതൽ 15 മിനിറ്റ് വരെ 15 ദിർഹം മുതൽ ആരംഭിക്കുന്നു. 24 മണിക്കൂറിലേയ്ക്ക് കാറുകൾ പാർക്ക് ചെയ്യുന്നവർ ഓരോ അധിക ദിവസത്തിനും 125 ദിർഹവും 100 ദിർഹവും നൽകണം. പെരുന്നാള്‍, വേനലവധിക്കായി നാട്ടിലേയ്ക്ക് പോകുന്നവർക്ക് നിരക്കിളവ് പ്രയോജനകരമാകും.