ഹജ്: മടങ്ങിയെത്തിയ ഉറ്റവർക്ക് സ്വീകരണമൊരുക്കി ബന്ധുക്കൾ
Mail This Article
×
ഷാർജ∙ ഹജ് നിർവഹിച്ച് തിരിച്ചെത്തിയ യുഎഇയിലെ ആദ്യ സംഘത്തിന് ഷാർജ രാജ്യാന്തര വിമാനത്താവളത്തിൽ ഊഷ്മള സ്വീകരണം. റോസാപ്പൂക്കളും സമ്മാനങ്ങളും മധുരപലഹാരങ്ങളും നൽകിയും ആലിംഗനം ചെയ്തും ബന്ധുക്കൾ ഉറ്റവരെ വിമാനത്താവളത്തിൽ സ്വീകരിച്ചത്. ദുബായ് രാജ്യാന്തര വിമാനത്താവളത്തിലും വിവിധ സംഘങ്ങളായി തീർഥാടകർ തിരിച്ചെത്തിയിരുന്നു.
നടപടികൾ വേഗത്തിലാക്കാനായി തീർഥാടകർക്കായി പ്രത്യേക ഹജ് കൗണ്ടറും തുറന്നിട്ടുണ്ട്. ഹാജിമാരെ യുഎഇയിലേക്ക് സ്വാഗതം ചെയ്യുന്നുവെന്ന് എഴുതിയ സമ്മാനപ്പൊതികളുമായാണ് ബന്ധുക്കളും സുഹൃത്തുക്കളും സ്വീകരിക്കാൻ എത്തിയത്. ചിലർ സ്വീകരണത്തിന്റെ ആഹ്ലാദ നിമിഷങ്ങൾ തത്സമയം സമൂഹമാധ്യമങ്ങളിൽ പങ്കുവയ്ക്കുകയും ചെയ്തിരുന്നു. 6200 പേർക്കാണ് യുഎഇയിൽനിന്ന് ഹജ് നിർവഹിച്ചത്.
English Summary:
First Hajj group receives warm welcome at Sharjah International Airport
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
