കനത്ത വെയിലിൽ വഴിയോര കച്ചവടക്കാരിൽ നിന്ന് വാങ്ങുന്ന ഭക്ഷണത്തിൽ ജാഗ്രത വേണം

റിയാദ്∙ മൂടി വയ്ക്കാതെയും സുരക്ഷിതമായി സൂക്ഷിക്കാതെയും വെച്ചിരിക്കുന്ന ഭക്ഷണങ്ങൾ വഴിയോര കച്ചവടക്കാരിൽ നിന്ന് വാങ്ങി കഴിക്കരുത് എന്ന് ഫുഡ് ആൻഡ് ഡ്രഗ് ജനറൽ അതോറിറ്റിയുടെ മുന്നറിയിപ്പ് . കനത്ത വെയിലും ചൂടും ഭക്ഷണം വേഗം കേടാകാൻ കാരണമാകും. ഇത് ബാക്ടീരിയകളുടെ വളർച്ചയ്ക്കും ഭക്ഷ്യവിഷബാധയ്ക്കും ഇടയാക്കും.

വേനൽക്കാലവും ഉയർന്ന താപനിലയും ചില ഔഷധങ്ങളുടെ ഫലപ്രാപ്തി കുറയ്ക്കുകയും അവയെ ഭക്ഷണത്തിൽ വിഷമയമാക്കുകയും ചെയ്യും. ഈ സാഹചര്യത്തിൽ വിശ്വസനീയമായ സ്ഥാപനങ്ങളിൽ നിന്ന് മാത്രം ഭക്ഷണം വാങ്ങുക.ഭക്ഷണത്തിന്‍റെ കാലാവധി പരിശോധിക്കുക. ഭക്ഷണ ലേബൽ വായിക്കുക. യാത്ര ചെയ്യുമ്പോൾ ഭക്ഷണം സുരക്ഷിതമായി സൂക്ഷിക്കുകയെന്ന്  "സമ്മർ ആൻഡ് ടൂറിസം" എന്ന ബോധവൽക്കരണ ക്യാംപെയ്നിന്‍റെ ഭാഗമായി അധികൃതർ അറിയിച്ചു.