വിവാഹ കരാർ പൂർത്തിയാക്കാൻ വധുവിന്റെ വിരലടയാളം, ജെൻഡർ ബാലൻസിങ് ഗൈഡ്; മാറ്റങ്ങളുമായി കുവൈത്ത്
![fingerprint-of-the-bride-is-mandatory-to-complete-the-marriage-contract-kuwait Representative Image. Image Credit: TierneyMJ/ShutterStock.com](https://img-mm.manoramaonline.com/content/dam/mm/mo/global-malayali/gulf/images/2024/7/24/fingerprint-of-the-bride-is-mandatory-to-complete-the-marriage-contract-kuwait.jpg?w=1120&h=583)
Mail This Article
കുവൈത്ത് സിറ്റി ∙ വിവാഹ കരാർ പൂർത്തിയാക്കാൻ സ്ത്രീയുടെ വിരലടയാളത്തിലൂടെ സമ്മതം വാങ്ങണമെന്ന നിർദ്ദേശത്തിന് ഔഖാഫ്, ഇസ്ലാമിക കാര്യ മന്ത്രാലയം അംഗീകാരം നൽകി. ഈ നിർദ്ദേശം നടപ്പിലാക്കുന്നതിനായി നീതിന്യായ മന്ത്രാലയത്തിന്റെ അനുമതിക്കായി കാത്തിരിക്കുകയാണെന്ന് സുപ്രിം കൗൺസിൽ ഫോർ ഫാമിലി അഫയേഴ്സിന്റെ ആക്ടിങ് സെക്രട്ടറി ജനറൽ ഡോ.മറിയം അൽ-അസ്മി വ്യക്തമാക്കി.
രാജ്യാന്തര വനിതാ സംഘടനകളുടെ നിരന്തര ആവശ്യങ്ങൾക്കുള്ള മറുപടിയാണ് ഈ നടപടി. സ്ത്രീകളുടെ അവകാശങ്ങൾ സംരക്ഷിക്കാനും അവരെ തീരുമാനങ്ങൾ എടുക്കുന്ന പ്രക്രിയയിൽ കൂടുതൽ പങ്കാളികളാക്കാനും ഈ നടപടി സഹായിക്കുമെന്ന് ഡോ.മറിയം അൽ-അസ്മി പ്രത്യാശ പ്രകടിപ്പിച്ചു.
സ്ത്രീകളുടെ പ്രാതിനിധ്യം നേതൃത്വപരമായ റോളുകളിലും തീരുമാനങ്ങൾ എടുക്കുന്ന സ്ഥാനങ്ങളിലും വർധിപ്പിക്കാൻ ലക്ഷ്യമിട്ട് സുപ്രിം കൗൺസിൽ ഫോർ ഫാമിലി അഫയേഴ്സ് ജെൻഡർ ബാലൻസിങ് ഗൈഡ് തയാറാക്കുകയാണ്. ഈ ഗൈഡ് സ്ത്രീ പുരുഷ സമത്വത്തിന് സഹായകരമാകുമെന്ന് പ്രതീക്ഷിക്കുന്നു.