അബുദാബി ബിഗ് ടിക്കറ്റ് മത്സരം: ഇന്ത്യക്കാരന് 34 കോടിയിലേറെ രൂപ സമ്മാനം

അബുദാബി∙ അബുദാബി ബിഗ് ടിക്കറ്റ് മത്സരത്തിൽ ഇന്ത്യക്കാരന് 34 കോടിയിലേറെ രൂപ( ഒന്നര കോടി ദിർഹം) സമ്മാനം ലഭിച്ചു. ഇന്ന് നടന്ന നറുക്കെടുപ്പിലാണ് അബുദാബിയിൽ താമസിക്കുന്ന തുഷാർ ദേശ്കറിന് കോടികൾ ലഭിച്ചത്. മറ്റു 4 സുഹൃത്തുക്കളുമായി സമ്മാനം പങ്കിടുമെന്ന് അദ്ദേഹം പറഞ്ഞു. 

ജൂലൈ 31നായിരുന്നു ഒന്നാം സമ്മാനം ലഭിച്ച 334240 നമ്പർ ടിക്കറ്റ് തുഷാർ പറഞ്ഞു. സമ്മാനവിവരം അറിയിക്കാനായി ബിഗ് ടിക്കറ്റ് പ്രതിനിധി റിച്ചഡും ബൗച്റയും ചേർന്ന് വിളിച്ചപ്പോൾ തുഷാർ വീട്ടിലായിരുന്നു. കഴിഞ്ഞ ഒരു വർഷമായി ടിക്കറ്റെടുക്കാറുണ്ടെന്ന് ഇദ്ദേഹം പറഞ്ഞു. സമ്മാനത്തുക കൊണ്ട് ബാങ്ക് വായ്പകൾ അടയ്ക്കുമെന്നും ബാക്കി പണം കുടുംബത്തിന് വേണ്ടി ചെലവഴിക്കുമെന്നും വ്യക്തമാക്കി.