‘ഇരുമ്പ്’ കലരുന്നു; ഷവർമ്മ മുറിക്കാൻ ഇലക്ട്രിക് കത്തികൾ മാത്രം, ഉത്തരവുമായി മസ്‌കത്ത് നഗരസഭ

മസ്‌കത്ത് ∙  ഷവർമ്മ മുറിക്കുന്നതിന് ഇനി മുതൽ ഇലക്ട്രിക് കത്തികൾ മാത്രമേ ഉപയോഗിക്കാവൂ എന്ന് മസ്‌കത്ത് നഗരസഭ ഉത്തരവ് പുറപ്പെടുവിച്ചു. പൊതുജനാരോഗ്യം സംരക്ഷിക്കുന്നതിനും ഭക്ഷ്യ സുരക്ഷ ഉറപ്പാക്കുന്നതിനുമായിട്ടാണ് ഈ നടപടി.

സാധാരണ കത്തികൾക്ക് മൂർച്ച കൂട്ടുമ്പോൾ ചെറിയ ഇരുമ്പിൻ തരികൾ ഭക്ഷണത്തിലേക്ക് കലരാനുള്ള സാധ്യത കണക്കിലെടുത്താണ് ഈ തീരുമാനം. റസ്റ്ററന്‍റ് ഉടമകൾക്ക് ഇലക്ട്രിക് കത്തികളിലേക്ക് മാറുന്നതിന് മൂന്ന് മാസത്തെ സമയം നൽകിയിട്ടുണ്ട്. തീരുമാനത്തോട് സഹകരിക്കണമെന്ന് മസ്‌കത്ത് നഗരസഭ കടയുടമകളോട് അഭ്യർഥിച്ചു.