കുവൈത്ത് സിവിൽ സർവീസിൽ ജോലി ചെയ്യുന്ന പ്രവാസികൾ യോഗ്യത തെളിയിക്കണം; പരിശോധനയ്ക്ക് നിർദേശം

കുവൈത്ത് സിറ്റി∙  കുവൈത്ത് സിവിൽ സർവീസിൽ ജോലി ചെയ്യുന്നവരുടെ യോഗ്യത സംബന്ധിച്ച പരിശോധന ശക്തമാക്കുന്നു. സിവിൽ സർവീസ് അണ്ടർസെക്രട്ടറി ദിയാ അൽ-ഖബന്ദി പുറപ്പെടുവിച്ച സർക്കുലറിൽ വിദേശികളായ ജീവനക്കാരുടെ യോഗ്യതാ സർട്ടിഫിക്കറ്റുകൾ പരിശോധിക്കാൻ നിർദ്ദേശിച്ചിട്ടുണ്ട്.

സിവിൽ സർവീസിലെ എല്ലാ വിദേശികളായ ജീവനക്കാരുടെയും യോഗ്യതാ സർട്ടിഫിക്കറ്റുകൾ പരിശോധിക്കാനാണ് നിർദ്ദേശം. നിശ്ചിത സമയപരിധിയിൽ രേഖകൾ സമർപ്പിക്കാൻ ജീവനക്കാരോട് ആവശ്യപ്പെട്ടിട്ടുണ്ട്. വ്യാജ യോഗ്യത സർട്ടിഫിക്കറ്റ് ഉപയോഗിച്ച് ജോലി നേടിയവരെ കണ്ടെത്തുകയാണ് ലക്ഷ്യം.യോഗ്യതയില്ലാതെ ജോലി ചെയ്യുന്നവർക്കെതിരെ കർശന നടപടികൾ സ്വീകരിക്കും.