കേന്ദ്ര ടൂറിസം മന്ത്രിയും ഒമാന്‍ സംഘവും ഡല്‍ഹിയില്‍ കൂടിക്കാഴ്ച നടത്തി
Mail This Article
മസ്‌കത്ത് ∙ കേന്ദ്ര ടൂറിസം മന്ത്രി ഗജേന്ദ്ര സിങ് ശെഖാവത്തും ഒമാന്‍ പൈതൃക, വിനോദ സഞ്ചാര മന്ത്രാലയം അണ്ടര്‍ സെക്രട്ടറി അസ്സാന്‍ ഖാസ്സിം മുഹമ്മദ് അല്‍ ബുസൈദിയും കൂടിക്കാഴ്ച നടത്തി. ഇന്ത്യന്‍ നഗരങ്ങളില്‍ നടന്നുവരുന്ന ഒമാന്‍ വിനോദ സഞ്ചാര പ്രചരണ ക്യാമ്പയിന്റെ ഭാഗമായി ന്യൂ ഡല്‍ഹിയില്‍ എത്തിയതായിരുന്നു ഒമാന്‍ സംഘം. കേന്ദ്ര ടൂറിസം മന്ത്രാലയം ഉന്നതതല പ്രതിനിധികളും സന്നിഹിതരായിരുന്നു. ഇരു രാഷ്ട്രങ്ങള്‍ക്കുമിടയില്‍ ടൂറിസം സഹകരണം വര്‍ധിപ്പിക്കുന്നതിനുള്ള സാധ്യതകളെ ചര്‍ച്ച ചെയ്തു.
ഇന്ത്യന്‍ നഗരങ്ങളില്‍ ഒമാന്‍ പൈതൃക, വിനോദ സഞ്ചാര മന്ത്രാലയത്തിന്റെ പ്രമോഷനല്‍ ക്യാമ്പയിന്‍ പുരോഗമിക്കുകയാണ്. ഈ മാസം 28 വരെ തുടരുമെന്ന് പൈതൃക, വിനോദ സഞ്ചാര മന്ത്രാലയം അറിയിച്ചു. വരും ദിനങ്ങളില്‍ മുംബൈ, ചെന്നൈ, ബംഗളൂരു എന്നിവിടങ്ങളിലാണ് വിവിധ പ്രചരണ പരിപാടികള്‍ സംഘടിപ്പിച്ചിട്ടുള്ളത്.
Union Tourism Minister and Oman delegation met in Delhi
