കൊച്ചി– ദുബായ് വിമാനം വൈകിയത് 18 മണിക്കൂറിലേറെ

ദുബായ്/നെടുമ്പാശേരി ∙ യന്ത്രത്തകരാറിനെ തുടർന്ന് കൊച്ചി– ദുബായ് സ്പൈസ് ജെറ്റ് വിമാനം 18 മണിക്കൂറിലേറെ വൈകി. തിങ്കളാഴ്ച രാത്രി 11.30ന് ഇവിടെ നിന്ന് പോകേണ്ട വിമാനമാണ് വൈകിയത്.

വൈകിട്ട് 5.30ന് ദുബായിൽ നിന്ന് ഇവിടെ എത്തേണ്ട വിമാനം തകരാറിനെ തുടർന്ന് എത്തിയില്ല. ഇവിടെ നിന്ന് ഈ വിമാനത്തിൽ 180 യാത്രക്കാരാണ് പോകേണ്ടിയിരുന്നത്. ഇവരെ ഹോട്ടലുകളിലേക്ക് മാറ്റി. ഇന്നലെ ഉച്ചയ്ക്ക് ആണ് വിമാനം ദുബായിൽ നിന്നെത്തിയത്. തുടർന്ന് ഇവിടെ നിന്നുള്ള യാത്രക്കാരുമായി വൈകിട്ട് 5.30ന് വിമാനം പുറപ്പെട്ടു.