മാനവ മഹാ ക്ഷേത്രം കവിതയുടെ അറബിക് പതിപ്പ് സമർപ്പിച്ചു
Mail This Article
×
അബുദാബി∙ മധ്യപൂർവദേശത്തെ ഏറ്റവും വലിയ ശിലാക്ഷേത്രം ബിഎപിഎസ് ഹിന്ദു മന്ദിറിനെക്കുറിച്ച് കവിയും സാമൂഹിക പ്രവർത്തകനുമായ വി.ടി.വി. ദാമോദരൻ എഴുതിയ കവിതയുടെ (മാനവ മഹാ ക്ഷേത്രം) അറബിക് പതിപ്പ് ഇന്‍റർനാഷനൽ റിലേഷൻസ് മേധാവി ബ്രഹ്‌മവിഹാരി ദാസിന് സമർപ്പിച്ചു. അറബിക് ഭാഷയിലേക്കു മൊഴിമാറ്റം നടത്തിയ കവിത അബുദാബി പൊലീസ് മാഗസിൻ-999ൽ പ്രസിദ്ധീകരിച്ചിരുന്നു.
ചടങ്ങിൽ കവിയും ഫുജൈറ കൾചറൽ സെന്‍റർ ചെയർമാനുമായ ഡോ. ഖാലിദ് അൽ ദൻഹാനി, ഇന്ത്യാ സോഷ്യൽ സെന്‍റർ ട്രഷറർ ദിനേഷ് പൊതുവാൾ, അബുദാബി മലയാളി സമാജം ജനറൽ സെക്രട്ടറി എം.യു. ഇർഷാദ്, ഇസ്ലാമിക്‌ കൾചറൽ സെന്‍റർ മുൻ പ്രസിഡന്‍റ് പി.ഹമദ് അലി എന്നിവർ പങ്കെടുത്തു. യുഎഇയുടെ സാംസ്കാരിക, പൈതൃകത്തെക്കുറിച്ചും രാഷ്ട്രപിതാവ് ഷെയ്ഖ് സായിദിനെക്കുറിച്ചും ഡസനിലേറെ കവിത പ്രസിദ്ധീകരിച്ചിട്ടുണ്ട് വി.ടി.വി.ദാമോദരൻ.
English Summary:
Manava Maha Kshetra's Arabic version
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.