ഭാഷാ സമര അനുസ്മരണ സമ്മേളനം സംഘടിപ്പിച്ച് കെഎംസിസി

ദോഹ ∙ കെഎംസിസി ഖത്തർ വണ്ടൂർ മണ്ഡലം കമ്മിറ്റി ഭാഷാ സമര അനുസ്മരണ സമ്മേളനം സംഘടിപ്പിച്ചു. ഭാഷാ സമരം നൽകുന്ന ആവേശവും പ്രചോദനവും ഇന്നും ഓരോ യൂത്ത് ലീഗുകാരനിലുമുണ്ടെന്നും യൂത്ത് ലീഗ് സംസ്ഥാന പ്രസിഡന്റ് പി.കെ. ഫിറോസ് പറഞ്ഞു.

 സംഗമം കെഎംസിസി ഖത്തർ പ്രസിഡന്റ് ഡോ. അബ്ദുസമദ് ഉദ്ഘാടനം ചെയ്തു. ഫരീദ് റഹ്മാനി കാളികാവ് മുഖ്യപ്രഭാഷണം നടത്തി. കെ.എം.സി.സി ഖത്തർ വണ്ടൂർ മണ്ഡലം പ്രസിഡന്റ് നാസർ റഹ്മാനി അധ്യക്ഷത വഹിച്ചു.

അൽഹാഫിസ് അസ്‌ലാം ഖിറാഅത്ത് അവതരിപ്പിച്ചു. കെഎംസിസി ഖത്തർ ജനറൽ സെക്രട്ടറി സലീം നാലകത്ത്, കെ. മുഹമ്മദ് ഈസ, എസ്.എ. എം ബഷീർ, സവാദ് വെളിയങ്കോട്, അക്ബർ വെങ്ങശേരി, റഫീഖ് കൊണ്ടോട്ടി, പി.കെ മുസ്തഫ ഹാജി പള്ളിശേരി, മുഹമ്മദ് സഫാസ് , മൂസ താനൂർ, സ്വഫ്വാൻ മാളിയക്കൽ, സലീം റഹ്‌മാനി തുടങ്ങിയവർ സംസാരിച്ചു.