നിയമലംഘനം: ഇൻഷുറൻസ് കമ്പനിയുടെ പ്രവർത്തനം തടഞ്ഞ് യുഎഇ

അബുദാബി ∙ യുഎഇയുടെ ഇൻഷുറൻസ് നിയമം ലംഘിച്ച സ്വകാര്യ ഇൻഷുറൻസ് കമ്പനിയുടെ പ്രവർത്തനം സെൻട്രൽ ബാങ്ക് തടഞ്ഞു. പുതിയ പോളിസി ചേർക്കുന്നതിനും നിലവിലുള്ള പുതുക്കുന്നതിനും വിലക്കുണ്ട്.

ഹെൽത്ത്, മോട്ടർ ഇൻഷുറൻസ് നിയമം ലംഘിച്ചതിന്റെ പേരിലാണ് നടപടി. കുറഞ്ഞ മൂലധന പരിധി പാലിക്കുന്നതിലും കമ്പനി പരാജയപ്പെട്ടതായി സെൻട്രൽ ബാങ്ക് ചൂണ്ടിക്കാട്ടി. ഇതേസമയം നിയമം ലംഘിച്ച കമ്പനിയുടെ പേര് പുറത്തുവിട്ടിട്ടില്ല. ഇതാദ്യമായാണ് ഒരു ഇൻഷുറൻസ് കമ്പനിക്കിതെരെ നടപടിയെടുക്കുന്നത്.