റാസൽഖൈമ, ഫുജൈറ എന്നിവിടങ്ങളിൽ വെള്ളിയാഴ്ച വരെ മഴയ്ക്ക് സാധ്യത

റാസൽഖൈമ/ഫുജൈറ ∙ റാസൽഖൈമ, ഫുജൈറ എമിറേറ്റുകളിലെ ചില ഭാഗങ്ങളിൽ ഇന്നലെ വൈകിട്ട് ശക്തമായ മഴ പെയ്തു. പർവത പ്രദേശങ്ങളിലാണ് പ്രധാനമായും മഴ ലഭിച്ചത്. നഗരപ്രദേശങ്ങളിൽ മൂടിക്കെട്ടിയ അന്തരീക്ഷമായിരുന്നു.

റാസൽഖൈമയിൽ എസ്ഫൈ, മംദൂഹ്, വാദി ഇസ്ഫിനി, അൽഹെബൻ എന്നിവിടങ്ങളിലും ഫുജൈറയിൽ അൽബാഹ, ആസ്മഹ്, അൽഖലൈബിയ, മർബ, സിജി, അൽഫർഫാർ മേഖലകളിലുമാണ് മഴ പെയ്തത്. ഖോർഫക്കാൻ, വാദി തുവ, ദഫ്ത, ഷൌഖ റോർഡ്, വാദി അൽ ഹിലൊ, വാദി അൽ ഖൊർ, അൽവതൻ റോഡ് എന്നിവിടങ്ങളിലും ഭേദപ്പെട്ട മഴ ലഭിച്ചു. വെള്ളിയാഴ്ച വരെ മഴ തുടരാൻ സാധ്യതയുള്ളതിനാൽ താഴ്ന്ന പ്രദേശങ്ങളിലേക്കു പോകരുതെന്നും മുന്നറിയിപ്പുണ്ട്.