എം.ടി. പത്മയെ അനുസ്മരിച്ച് ഇൻകാസ് കോഴിക്കോട് ജില്ലാ കമ്മിറ്റി

ദുബായ് ∙ ഇൻകാസ് കോഴിക്കോട് ജില്ലാ കമ്മിറ്റിയുടെ നേതൃത്വത്തിൽ മുൻ മന്ത്രിയും കോൺഗ്രസിന്റെ നേതാവുമായ എം.ടി. പത്മയുടെ വിയോഗത്തിൽ അനുസ്മരണം സംഘടിപ്പിച്ചു. കോഴിക്കോട് ജില്ലാ പ്രസിഡന്റ് വിജയ് തോട്ടത്തിൽ അധ്യക്ഷനായി. 

കെപിസിസി ജനറൽ സെക്രട്ടറി ആര്യാടൻ ഷൗക്കത്ത് മുഖ്യ പ്രഭാഷണം നടത്തി. ദുബായ് സ്റ്റേറ്റ് കമ്മിറ്റി പ്രസിഡന്റ്  റഫീഖ് മട്ടന്നൂർ, ജനറൽ സെക്രട്ടറി ഷൈജു അമ്മാനപ്പാറ, ബഷീർ നാരായണിപ്പുഴ, വൈസ് പ്രസിഡന്റ് ഇക്ബാൽ ചെക്യാട്, ഷംഷീർ നാദാപുരം, പ്രകാശ് മേപ്പയ്യൂർ, പ്രവീൺ ഇരിങ്ങൽ, മുഹമ്മദ്‌ ഇസ്മായിൽ, മുഹമ്മദ്‌ ഏറാമല, ആദം എടവന എന്നിവർ പ്രസംഗിച്ചു.