ഇന്ത്യൻ എംബസി ഓപ്പൺ ഫോറം നാളെ

ദോഹ ∙ ഖത്തറിലെ ഇന്ത്യൻ എംബസിയുടെ പ്രതിമാസ ഓപ്പൺ ഫോറം നാളെ നടക്കും. വ്യാഴാഴ്ച ഉച്ചയ്ക്ക് പ്രാദേശിക സമയം 3.00ന് ഒനൈസയിലെ ഇന്ത്യൻ എംബസി ആസ്ഥാനത്താണ് ഓപ്പൺ ഫോറം.

ഇന്ത്യൻ സ്ഥാനപതി വിപുൽ നേരിട്ട് പരാതികൾ സ്വീകരിക്കും. ഇന്ത്യൻ പൗരന്മാർക്ക് തങ്ങളുടെ അടിയന്തര തൊഴിൽ, കോൺസുലർ പരാതികൾ സമർപ്പിക്കാം. ഉച്ചയ്ക്ക് 2.00 മുതൽ 3.00 വരെയാണ് ഫോറത്തിൽ പങ്കെടുക്കുന്നതിനുള്ള റജിസ്ട്രേഷൻ. 3.00 മുതൽ 5.00 വരെയാണ് പരാതികൾ സ്വീകരിക്കുന്നത്. 55097295 എന്നീ നമ്പറിലോ labour.doha@mea.gov.in എന്ന ഇ–മെയിലിലും എംബസി അധികൃതരെ ബന്ധപ്പടാം.