ഇന്ത്യ ഇന്റർനാഷനൽ സ്കൂളില്‍ യുഎഇ ദേശീയ ദിനം ആഘോഷിച്ചു

ഷാർജ ∙ യുഎഇയുടെ ഈദ് അൽ ഇത്തിഹാദ് ആഘോഷങ്ങളിൽ ആവേശപൂർവം പങ്കാളികളായി ഇന്ത്യ ഇന്റർനാഷനൽ സ്കൂളും. വൈവിധ്യമാർന്ന കലാ, സാംസ്കാരിക പരിപാടികളോടെ വിദ്യാർഥികളും അധ്യാപകരും ആഘോഷങ്ങളിൽ പങ്കാളികളായി.

പരമ്പരാഗത അറബിക് നൃത്തം,  ഗാനം എന്നീ മത്സരങ്ങളും യുഎഇയുടെ പാരമ്പര്യത്തെയും പൈതൃകത്വത്തെയും ആസ്പദമാക്കിയുള്ള ക്വിസ് മൽസരം തുടങ്ങിയവ അരങ്ങേറി. മൈലാഞ്ചിയണിഞ്ഞും  മുഖത്ത് യുഎഇയുടെ പതാക വരച്ചും വിദ്യാർഥികൾ സന്തോഷിച്ചു.

ആറായിരത്തിലേറെ വിദ്യാർഥികളെ അണിനിരത്തി വിപുലമായ ആഘോഷ പരിപാടികൾ സംഘടിപ്പിച്ച അധ്യാപകരെയും വിദ്യാർഥികളെയും പെയ്സ് ഗ്രൂപ്പ് സീനിയർ ഡയറക്ടർ അസീഫ് മുഹമ്മദ്, മാനേജിങ് ഡയർക്ടർ  സൽമാൻ ഇബ്റാഹിം തുടങ്ങിയവർ അഭിനന്ദിച്ചു.ആഘോഷ പരിപാടികൾക്ക് പ്രൻസിപ്പാൽ ഡോ. മഞ്ജു റെജി, അസിസ്റ്റന്റ്  ഡയറക്ടർ സഫാ അസദ്, വൈസ് പ്രിൻസിപ്പിൽമാരായ ഷിഫാന മുഈസ്, സുനാജ് അബ്ദുൽ മജീദ് തുടങ്ങിയവർ നേതൃത്വം നൽകി.