യുഎഇയിൽ ഇന്ന് മൂടൽമഞ്ഞിന് സാധ്യത

അബുദാബി ∙  തണുപ്പ് കൂടി വരുന്ന യുഎഇയിൽ ഇന്ന് മൂടൽമഞ്ഞിനു സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ആകാശം ഭാഗികമായി മേഘാവൃതമായിരിക്കും. ഇന്നലെ റാസൽഖൈമയിലെ ജബൽ ജെയ്സിൽ അനുഭവപ്പെട്ട 1.8 ഡിഗ്രി സെൽഷ്യസ് ആണ് ഈ വർഷത്തെ ഏറ്റവും കുറഞ്ഞ താപനില.

ശനിയാഴ്ച ഇവിടെ 1.9 ഡിഗ്രിയായിരുന്നു. എന്നാൽ ഇന്നും നാളെയും തീരമേഖലകളിലും ഉൾപ്രദേശങ്ങളിലും താപനില അൽപം കൂടും. മണിക്കൂറിൽ 10 മുതൽ 35 കിലോമീറ്റർ വേഗത്തിൽ കാറ്റു വീശാനും സാധ്യതയുണ്ട്.