ഓർമാ ഇന്റർനാഷണൽ പ്രസംഗം: മലയാളം ജൂനിയർ വിഭാഗം പരിശീലനം പൂർത്തിയാക്കി
![orma-international-speech-competition orma-international-speech-competition](https://img-mm.manoramaonline.com/content/dam/mm/mo/global-malayali/us/images/2024/5/7/orma-international-speech-competition.jpg?w=1120&h=583)
Mail This Article
ഫിലഡൽഫിയ/ പാലാ ∙ ഓർമ ഇന്റർനാഷണൽ സ്പീച്ച് കോമ്പറ്റീഷന്റെ രണ്ടാം സീസണിലെ മലയാളം ജൂനിയർ വിഭാഗം പ്രസംഗ പരിശീലനം വിജയകരമായി പൂർത്തിയായി. പത്ത് ലക്ഷം രൂപയുടെ സമ്മാനങ്ങളുള്ള ഓർമ്മാ ഇന്റർനാഷനൽ സ്പീച്ച് കോമ്പറ്റീഷന് സീസണ് രണ്ടിൽ പങ്കെടുത്ത ജൂനിയർ വിഭാഗം വിദ്യാർഥികളിൽ നിന്നാണ് 50 പേരെ കണ്ടെത്തിയത്. ഓവർസീസ് റസിഡന്റ് മലയാളീസ് അസോസിയേഷന് ഇന്റർനാഷനലിന്റെ (ഓർമ്മ ഇന്റർനാഷനൽ) ഘടകമായ ഓർമ്മ ഇന്റർനാഷനൽ ടാലന്റ് പ്രമോഷൻ ഫോറമാണ് രാജ്യാന്തര പ്രസംഗ മത്സരം നടത്തുന്നത്. പെൻസിൽവേനിയയിൽ സ്റ്റഫ്ഫോഡ് ഹൈസ്കൂൾ അധ്യാപകനായ ജോസ് തോമസാണ് ഓർമ്മ ഇന്റർനാഷനൽ ടാലന്റ് പ്രമോഷൻ ഫോറം ചെയർമാൻ.വ്യക്തിത്വ വളർച്ചാ പരിശീലക പ്രമുഖരായ ബെന്നി കുര്യൻ, സോയി തോമസ്, എന്നിവരാണ് പ്രസംഗ പരിശീലന ക്ലാസുകൾക്ക് നേതൃത്വം നൽകുന്നത്.
മദ്രാസ് ഹൈക്കോടതി മുൻ ആക്ടിങ് ചീഫ് ജസ്റ്റീസ് ഡോ. ജസ്റ്റിസ് കെ നാരായണക്കുറുപ്പ്, ജി20 ഗ്ലോബല് ലാന്ഡ് ഇനിഷ്യേറ്റീവ് ഡയറക്ടർ ഡോ. മുരളി തുമ്മാരുകുടി, ഡിആര്ഡിഒ-എയ്റോ സിസ്റ്റംസ് മുൻ ഡയറക്ടർ ജനറൽ ഡോ. ടെസ്സി തോമസ്, അമേരിക്കയിലെ അർക്കാഡിയ യൂണിവേഴ്സിറ്റി പ്രസിഡന്റ് ഡോ. അജയ് നായര്, കേന്ദ്ര സർവകലാശാല മുൻ വൈസ് ചാൻസലർ ഡോ. ജാന്സി ജയിംസ്, മഹാത്മാഗാന്ധി യൂണിവേഴ്സിറ്റി മുൻ വൈസ് ചാൻസലർ ഡോ. ബാബു സെബാസ്റ്റ്യന്, മുൻ ഡിജിപി ഡോ. ബി. സന്ധ്യ, ചലച്ചിത്ര സംവിധായകൻ ലാല് ജോസ്, ഗ്രാന്ഡ് മാസ്റ്റര് ഡോ. ജി.എസ്. പ്രദീപ്, കോര്പ്പറേറ്റ് ട്രെയിനര് ആന്ഡ് ബിസിനസ് കോച്ച് ഷമീം റഫീഖ് എന്നിവരാണ് ഓര്മ്മ രാജ്യാന്തര പ്രസംഗ മത്സര സമിതി അഡ്വൈസറി ബോർഡ് അംഗങ്ങൾ. അമേരിക്കയില് അദ്ധ്യാപകനും മോട്ടിവേറ്റര് എഡ്യൂക്കേറ്ററുമായ ജോസ് തോമസ് ചെയര്മാനായുള്ള ഓര്മ്മ ഇന്റര്നാഷനല് ടാലന്റ് പ്രൊമോഷന് ഫോറമാണ് പ്രസംഗ മത്സരം സംഘടിക്കുന്നത്. വ്യക്തിത്വ വളർച്ചാ പരിശീലക പ്രമുഖരായ ജോർജ് കരുണയ്ക്കൽ, പ്രൊഫസർ ടോമി ചെറിയാൻ നേതൃത്വം നല്കുന്നുണ്ട്. ഓര്മ രാജ്യാന്തര ഭാരവാഹികളും ടീമിലുണ്ട്.
അറ്റോണി ജോസഫ് കുന്നേല് (കോട്ട് ലോ, ഫിലഡൽഫിയ), അലക്സ് കുരുവിള (മാനേജിങ് ഡയറക്ടര്, കാര്നെറ്റ് ബുക്സ്), ഡോ. ആനന്ദ് ഹരിദാസ് എംഡി, എംഎംഐ, എഫ്എസിസി (സ്പെഷ്യലിസ്റ്റ് ഇന് ക്ലിനിക്കല് കാര്ഡിയോവാസ്കുലര് മെഡിസിന്), ഷൈന് ജോണ്സണ് (റിട്ട. എച്ച് എം), എസ്എച്ച് ഹയര് സെക്കന്ഡറി സ്കൂള്, തേവര), മാത്യു അലക്സാണ്ടര് (മാനേജിങ് ഡയറക്ടര്, ലവ് ടു കെയര് ഗ്രൂപ്പ്, യുകെ) എന്നിവരാണ് ഡയറക്ടര്മാര്. എബി ജെ. ജോസ് (ചെയര്മാന്, മഹാത്മാഗാന്ധി നാഷനല് ഫൗണ്ടേഷന്) സെക്രട്ടറി, സജി സെബാസ്റ്റ്യന് (സൂപ്പര്വൈസര് യുഎസ്പിഎസ് ആൻഡ് ഡയറക്ടര് എസ് ആൻഡ് എസ് കണ്സള്ട്ടന്സി) ഫിനാന്ഷ്യല് ഓഫിസര്, എമിലിന് റോസ് തോമസ് (യുഎന് സ്പീച്ച് ഫെയിം ആന്ഡ് പെന്സില്വാനിയ യൂണിവേഴ്സിറ്റി സ്റ്റുഡന്റ്) യൂത്ത് കോര്ഡിനേറ്റര്.
2009ല് അമേരിക്കയിലെ ഫിലഡൽഫിയയിലാണ് ഓര്മാ ഇന്റര്നാഷനല് എന്ന ഓവര്സീസ് റസിഡന്റ് മലയാളി അസോസിയേഷന് പ്രവര്ത്തനമാരംഭിക്കുന്നത്. വിവിധ രാജ്യങ്ങളില് ഓര്മ്മയ്ക്ക് ശാഖകള് ഉണ്ട്. സാമൂഹ്യ പ്രതിബദ്ധത, പഠന മികവ് എന്നിവയുടെ അടിസ്ഥാനത്തിൽ തിരഞ്ഞെടുക്കപ്പെടുന്ന വിദ്യാർഥികൾക്കു ഓർമ്മ ഇന്റര്നാഷനൽ സ്കോളർഷിപ്പും നൽകാൻ തീരുമാനിച്ചിട്ടുണ്ട്. ജോസ് ആറ്റുപുറം, ജോർജ് നടവയൽ, ഷാജി അഗസ്റ്റിൻ, റോഷിൻ പ്ലാമൂട്ടിൽ, എബി ജോസ്, വിൻസന്റ് ഇമ്മാനുവേൽ, അറ്റേണി ജോസഫ് കുന്നേൽ, കുര്യാക്കോസ് മാണിവയൽ, ഷൈൻ ജോൺസൺ, ജോ തോമസ്, അലക്സ് തോമസ്, ഷൈലാ രാജൻ, നൈനാൻ മത്തായി, സർജന്റ് ബ്ളസ്സൺ മാത്യൂ, അലക്സ് ഏബ്രഹാം, റോബർട് ജോൺ അരീച്ചിറ എന്നിവരാണ് ഓർമാ ഇന്റര്നാഷനലിന്റെ പ്രധാന ഭാരവാഹികൾ. മനുഷ്യ സ്നേഹ നിർഭരമായ, കേരളാപാരമ്പര്യ പുരോഗമന സേവനകുടുംബ മൂല്യങ്ങൾക്ക് പ്രാധാന്യം നൽകി, പുതു തലമുറയെ, മലയാള സാഹോദര്യത്തിന്റെയും, ലോക സേവന ഔത്സുക്യങ്ങളുടെയും, സംഘചേതനയിൽ പരിശീലിപ്പിക്കുക എന്ന ദൗത്യത്തിലാണ് ഓർമാ ഇന്റര്നാഷനൽ പ്രവർത്തിക്കുന്നത്.