അർകോമയിൽ സംശയാസ്പദമായ സാഹചര്യത്തിൽ യുവതിയെ കാണ്മാനില്ല

അർകോമ (ഒക്‌ലഹോമ) ∙ അർകോമയിൽ  സംശയാസ്പദമായ സാഹചര്യത്തിൽ കാണാതായ യുവതിയെ കണ്ടെത്താൻ സഹായം തേടി ഒക്‌ലഹോമ ഹൈവേ പട്രോൾ  സംഘം. ഞായറാഴ്ച പുലർച്ചെ 3:30 നാണ് ഹാർമോണി ഗെയ്ൽ ജാക്ക്‌സിനെ(24) കാണാതായത്. ഒക്‌ലഹോമ ലൈസൻസ് പ്ലേറ്റ് JYD 879 ഉള്ള ചുവന്ന നിറത്തിലുള്ള 2012 മോഡൽ നിസ്സാൻ ആൾട്ടിമ കാറാണ് ഹാർമോണി ഗെയ്ൽ ജാക്ക്‌സ് ഓടിച്ചിരുന്നത്.  മുൻ ബമ്പറിന് കേടുപാടുകളോ ബമ്പർ ഇല്ലാതിരിക്കുകയോ ചെയ്യാമെന്ന്  അന്വേഷണ ഉദ്യോഗസ്ഥർ അറിയിച്ചു.

ഹാർമോണി ഗെയ്ൽ ജാക്ക്‌സിന് 5 അടിയും 1 ഇഞ്ച് ഉയരവും 160 പൗണ്ട് ഭാരവും ചുവന്ന മുടിയും നീലക്കണ്ണുകളുമാണുള്ളത്. യുവതിയെ കാണുന്നവർ 9-1-1 എന്ന നമ്പറിൽ വിവരം അറിയിക്കണമെന്ന് നിയമപാലകർ.