ഡാലസിൽ വാഹനങ്ങൾ കൂട്ടിയിടിച്ച് നാല് മരണം; രണ്ട് പേർക്ക് പരുക്ക്

ഡാലസ് ∙ ഡാലസിൽ വാഹനപകടത്തിൽ നാല് മരണം. രണ്ട് പേർക്ക് പരുക്കേറ്റിട്ടുണ്ട്. ഡാലസ് അന്തർസംസ്ഥാന പാതയിൽ ശനിയാഴ്ച ഉച്ചയ്ക്ക് ഒരു മണിയോടെയാണ് അപകടമുണ്ടായത്. 

അന്തർസംസ്ഥാന പാതയിലെ ഐ-45-ൽ ദിശതെറ്റി വന്ന വാഹനം മറ്റൊരു വാഹനത്തിലിടിക്കുകയും തുടർന്ന് മീഡിയൻ കടന്ന് മറ്റ് രണ്ട് വാഹനങ്ങളുമായി കൂട്ടിയിടിച്ചാണ് അപകടമുണ്ടായത്.

അപകടത്തിൽ മൂന്ന് പേർ സംഭവസ്ഥലത്ത് വച്ച് തന്നെ മരിച്ചു. ആശുപത്രിയിൽ ചികിത്സയിലായിരിക്കെയാണ് നാലമത്തെയാൾ മരിക്കുന്നത്. പരുക്കേറ്റ രണ്ട് പേർ ചികിത്സയിൽ തുടരുകയാണ്. മരിച്ചവരുടെയും പരുക്കേറ്റവരുടെയും വിവരങ്ങൾ പൊലീസ് പുറത്തുവിട്ടിട്ടില്ല. സംഭവത്തിൽ അന്വേഷണം പുരോഗമിക്കുകയാണ്.