യങ് ലീഡർ അവാർഡ് സ്വന്തമാക്കി ഡോ. നിധിൻ സാം
Mail This Article
×
ആൽബർട്ട ∙ കാനഡയിലെ ആൽബർട്ട ഗവൺമെന്റിന്റെ യങ് ലീഡർ അവാർഡ് സ്വന്തമാക്കി ഡോ. നിധിൻ സാം. ഈ അംഗീകാരം ലഭിക്കുന്ന ആദ്യ മലയാളിയാണ് ഡോ. നിധിൻ. കനേഡിയൻ ഫാർമസി വിദ്യാർഥികൾക്ക് വേണ്ടിയുള്ള സംഭാവനയ്ക്കാണ് നിധിന് അംഗീകാരം ലഭിച്ചത്.
ആൽബർട്ട ഇമിഗ്രന്റ് ഇംപാക്ട് അവാർഡുകളുടെ ഭാഗമായി ഒക്ടോബർ 3-ന് കാൽഗരിയിൽ വച്ച് നടന്ന ചടങ്ങിലാണ് നിധിന് അവാർഡ് ലഭിച്ചത്. ആൽബർട്ടയിലെ പ്രീമിയർ ഡാനിയേൽ സ്മിത്തും കുടിയേറ്റ മന്ത്രി മുഹമ്മദ് യാസീനും ലെഫ്റ്റനന്റ് ഗവർണർ സൽമ ലഖാനിയും ആണ് അവാർഡ് സമ്മാനിച്ചത്.
കൊച്ചിയിലെ അമൃത സ്കൂൾ ഓഫ് ഫാർമസിയിൽ നിന്ന് ഡോക്‌ടർ ഓഫ് ഫാർമസി ബിരുദധാരിയായ നിധിൻ കഴിഞ്ഞ രണ്ട് വർഷമായി കാനഡയിലെ ആൽബെർട്ടയിലെ എഡ്മണ്ടണിലാണ് താമസം. കോളജ് അധ്യാപകനായി സേവനമനുഷ്ഠിച്ചിരുന്ന നിധിന് കഴിഞ്ഞ വർഷം പ്രോഗ്രാം മാനേജരായി സ്ഥാനക്കയറ്റം ലഭിച്ചു.
English Summary:
Dr. Nidhin Sam has won the Young Leader Award of the Government of Alberta in Canada.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
