ഓക്‌ലഹോമ സിറ്റി ഇവന്റ് സെന്ററിൽ വെടിവയ്പ്പ്; ഒരാൾ മരിച്ചു 14 പേർക്ക് പരുക്ക്

ഓക്‌ലഹോമ സിറ്റി ∙ ഓക്‌ലഹോമ സിറ്റി ഇവന്റ് സെന്ററിൽ നടന്ന ഹാലോവീൻ പരിപാടിക്കിടെ വെടിവയ്പ്പ്. ഒരാൾ മരിച്ചു. 14 പേർക്ക് പരുക്കേറ്റതായ് ഓക്‌ലഹോമ സിറ്റി പൊലീസ് അറിയിച്ചു. 

ശനിയാഴ്ച പുലർച്ചെ 12.30ഓടെ സൗത്ത് വെസ്റ്റ് 59-ാം സ്ട്രീറ്റിനും ആഗ്ന്യൂ അവന്യൂവിനും സമീപമാണ് വെടിവയ്പുണ്ടായത്. സംഭവത്തിൽ രണ്ട് പേരെ പൊലീസ് അറസ്റ്റ് ചെയ്തു. 

പരുക്കേറ്റ 14 പേരെയും പ്രാദേശിക ആശുപത്രികളിൽ പ്രവേശിപ്പിച്ചു. ഇവരിൽ രണ്ടു പേരുടെ നില ഗുരുതരമാണ്.  മരിച്ചയാളുടെ വിവരങ്ങൾ പൊലീസ് പുറത്തുവിട്ടിട്ടില്ല. വെടിവയ്പ്പിന്റെ കാരണം വ്യക്തമല്ലെവന്നും കേസിൽ അന്വേഷണം പുരോഗമിക്കുകയാണെന്നും പൊലീസ് അറിയിച്ചു.