ഹൂസ്റ്റൺ സെന്റ് ബേസിൽസ് യാക്കോബായ സുറിയാനി പള്ളി കൂദാശ നവംബർ 29 മുതൽ
Mail This Article
ഹൂസ്റ്റൺ ∙ അമേരിക്കൻ മലങ്കര ഭദ്രാസനത്തിലെ ഹൂസ്റ്റൺ സെന്റ് ബേസിൽസ് യാക്കോബായ സുറിയാനി പള്ളിയുടെ സമർപ്പണ കൂദാശ കർമ്മം നവംബർ 29, 30 തീയതികളിലായി, ഭദ്രാസനാധിപനും പാത്രിയർക്കൽ വികാരിയുമായ അഭിവന്ദ്യ യൽദൊ മോർ തീത്തോസ് മെത്രാപ്പൊലീത്തയുടെ പ്രധാന കാർമികത്വത്തിൽ നടത്തപ്പെടുന്നു.
29 ന് വൈകിട്ട് 5 മണിക്ക് സന്ധ്യാപ്രാർഥനയെ തുടർന്ന് ദേവാലയത്തിന്റെ വി. മുറോൻ കൂദാശയ്ക്ക് തുടക്കം കുറിക്കും. 30ന് രാവിലെ 8.30ന് പ്രഭാത പ്രാർഥനയും അതേ തുടർന്ന് ആദ്യബലി അർപ്പണവും നടക്കും. തുടർന്ന് നടക്കുന്ന പൊതുസമ്മേളനത്തിൽ, പല പ്രമുഖ വ്യക്തികളും ആശംസകൾ നേരും.
പരിപാടികളുടെ സുഗമമായ നടത്തിപ്പിനായി വികാരി റവ.ഫാ.ബിജോ മാത്യു, കോശി തോമസ് (വൈസ് പ്രസിഡന്റ്), സിമി ജോസഫ് (സെക്രട്ടറി), ജോണി വർഗീസ് (ട്രഷറർ), വിബിൻ മാത്യു (ജോ. സെക്രട്ടറി), ഷാജി അബ്രാഹാം (ജോ. ട്രഷറർ), ജയ്സൻ പി. കെ, ഷാജി വർഗീസ്, തോംസൻ തോമസ് (കമ്മിറ്റി അംഗങ്ങൾ) എന്നിവരുടെ നേതൃത്വത്തിൽ വിപുലമായ ക്രമീകരണങ്ങൾ നടത്തിവരുന്നു.
Sacrament of St. Basil's Jacobite Syrian Church, Houston
