സൗത്ത് കാരോലൈന മേയർ കാർ അപകടത്തിൽ മരിച്ചു

സൗത്ത് കാരോലൈന ∙ സൗത്ത് കാരോലൈനയിലെ മക്കോൾ മേയർ ജോർജ് ഗാർണർ (49) കാർ അപകടത്തിൽ മരിച്ചു. ഡാർലങ്ടൺ കൗണ്ടി കൊറോണർ ജെ. ടോഡ് ഹാർഡി ഫേസ്ബുക്ക് പോസ്റ്റിലൂടെയാണ് വാർത്ത സ്ഥിരീകരിച്ചത്.മെക്കാനിക്‌സ്‌വില്ലിൽ എച്ച്‌വൈ 34-ൽ ഉച്ചക്ക് 2.40-നാണ് അപകടമുണ്ടായത്. 

ഗാർണർ സഞ്ചരിച്ച കാർ ട്രക്കുമായി കൂട്ടിയിടിക്കുകയായിരുന്നു. പരുക്കേറ്റ മേയറെ ഫ്ലോറൻസിലെ മക്ലിയോഡ് റീജനൽ മെഡിക്കൽ സെന്‍ററിലേക്ക് കൊണ്ടുപോയെങ്കിലും ജീവൻ രക്ഷിക്കനായില്ല.

ഈ മാസം ആദ്യം, മക്കോൾ നഗരത്തിലെ മുഴുവൻ പൊലീസ് സേനയും രാജിവച്ചിരുന്നു. അപകടത്തെക്കുറിച്ച് ഡാർലങ്ടൺ കൗണ്ടി കൊറോണറും സംഘവും അന്വേഷണം നടത്തുന്നുണ്ട്. ഗാർണർക്ക് ഭാര്യയും രണ്ട് ആൺമക്കളും ഒരു മകളുമുണ്ട്. ഡിസംബർ മൂന്നിന് സംസ്കാര ചടങ്ങുകൾ നടക്കും.