ഡാലസിൽ എക്യൂമെനിക്കൽ ക്രിസ്മസ് പുതുവത്സരാഘോഷം 7ന്

ഡാലസ്∙ കേരള എക്യൂമെനിക്കൽ ക്രിസ്ത്യൻ ഫെല്ലോഷിപ്പിന്‍റെ നേതൃത്വത്തിൽ 46-ാമത് എക്യൂമെനിക്കൽ ക്രിസ്മസ് - പുതുവത്സരാഘോഷം  7 ന് വൈകിട്ട് 5 ന് ഡാലസിലെ മാർത്തോമ്മാ ഇവന്‍റ് സെന്‍ററിൽ (11550 Luna Road, Farmers Branch, Tx 75234) നടക്കും.

മലങ്കര യാക്കോബായ സുറിയാനി സഭയുടെ നോർത്ത് അമേരിക്ക ഭദ്രാസന ആർച്ച് ബിഷപ് യെൽദോ മാർ തീത്തോസ് ക്രിസ്മസ് - ന്യൂഇയർ സന്ദേശം നൽകും. ഡാലസിലെ വിവിധ സഭകളിൽപ്പെട്ട അനേക ഇടവകളിലെ ഗായകസംഘങ്ങളുടെ ഗാനശുശ്രൂഷയും ഉണ്ടായിരിക്കും.

ഈ വർഷത്തെ ആഘോഷങ്ങൾക്ക് നേതൃത്വം വഹിക്കുന്നത് ഡാലസിലെ കരോൾട്ടണിലുള്ള സെന്‍റ് മേരീസ് മലങ്കര യാക്കോബായ സിറിയൻ ഓർത്തഡോക്സ് ഇടവകയാണ്. വിവിധ സഭാ വിഭാഗത്തിൽപ്പെട്ട 21 ഇടവകളിലെ വൈദീകരും വിശ്വാസികളും ഒന്നിച്ചുചേരുന്ന ഒരു മഹാസംഗമമാണ് കഴിഞ്ഞ 45 വർഷമായി ഡാലസിൽ നടത്തിവരുന്ന ക്രിസ്മസ് - ന്യൂഇയർ ആഘോഷം. ഇന്ത്യക്ക് പുറത്തുള്ള വിദേശ രാജ്യങ്ങളിൽ ഏറ്റവും പഴക്കമുള്ള എക്യൂമെനിക്കൽ കൂട്ടായ്മ എന്ന പ്രശസ്തിയും ഡാലസിലെ കെ.ഇ.സി.എഫിനാണ്.

വൈദീകർ ഉൾപ്പടെ 22 അംഗങ്ങൾ അടങ്ങുന്ന ഒരു എക്സിക്യുട്ടീവ് കമ്മറ്റിയാണ് കെ.ഇ.സി.എഫിന്‍റെ പ്രവർത്തനങ്ങൾക്ക് മേൽനോട്ടം വഹിക്കുന്നത്. എല്ലാ വിശ്വാസ സമൂഹത്തെയും ഡിസംബർ 1  7 ശനിയാഴ്ച നടത്തപ്പെടുന്ന ക്രിസ്മസ് - ന്യൂഇയർ ആഘോഷത്തിലേക്ക് ക്ഷണിക്കുന്നതായി   റവ. ഫാ. പോൾ തോട്ടക്കാട്ട് (പ്രസിഡന്‍റ്),റവ. ഷൈജു സി. ജോയ് (വൈസ് പ്രസിഡന്‍റ്),ഷാജി എസ്. രാമപുരം (ജനറൽ സെക്രട്ടറി),എൽദോസ് ജേക്കബ് (ട്രഷറർ), ജോൺ തോമസ് (ക്വയർ കോർഡിനേറ്റർ)

എന്നിവർ അറിയിച്ചു.