മുൻ കാമുകനെയും സുഹൃത്തിനെയും തീയിട്ടു കൊലപ്പെടുത്തി; ബോളിവുഡ് താരത്തിന്റെ സഹോദരി അറസ്റ്റിൽ

ന്യൂയോർക്ക് ∙ ബോളിവുഡ് നടി നർഗീസ് ഫഖ്രിയുടെ സഹോദരി അലിയ ഫഖ്രി (43) കൊലപാതകക്കുറ്റത്തിന് യുഎസിൽ അറസ്റ്റിലായി. മുൻ കാമുകൻ എഡ്വേഡ് ജേക്കബ്സിനെയും (35) അദ്ദേഹത്തിന്റെ പെൺസുഹൃത്ത് അനസ്തിസിയ എറ്റിനിയെയും (33) കൊലപ്പെടുത്തിയ കേസിലാണ് അറസ്റ്റ്.

ന്യൂയോർക്കിൽ സ്ഥിരതാമസക്കാരിയായ അലിയ, ജേക്കബ്സുമായി ഒരു വർഷം മുൻപ് വേർപിരിഞ്ഞിരുന്നു. കഴിഞ്ഞ മാസം രണ്ടിന് ജേക്കബ്സും അനസ്തിസിയയും താമസിക്കുന്ന ഗാരിജിൽ എത്തിയ അലിയ അവിടെ തീയിടുകയായിരുന്നു.