ഇന്ദിരാഗാന്ധി സമാധാന പുരസ്കാരം മിഷേൽ ബാഷ്‌ലെറ്റിന്

ന്യൂഡൽഹി ∙ ചിലെ മുൻ പ്രസിഡന്റും ഐക്യരാഷ്ട്ര സംഘടന മനുഷ്യാവകാശ സമിതിയുടെ മേധാവിയുമായ മിഷേൽ ബാഷ്‌ലെറ്റിനു ഇന്ദിരാഗാന്ധി സമാധാന പുരസ്കാരം നൽകാൻ മുൻ ദേശീയ സുരക്ഷാ ഉപദേഷ്ടാവായ ശിവശങ്കർ മേനോൻ അധ്യക്ഷനായ സമിതി തീരുമാനിച്ചു.

മനുഷ്യാവകാശ പ്രവർത്തനങ്ങൾക്കും പാർശ്വവൽക്കരിക്കപ്പെട്ട വിഭാഗങ്ങളുടെ ഉന്നമനത്തിനും ലിംഗ സമത്വത്തിനും വേണ്ടിയുമുള്ള പോരാട്ടങ്ങളാണു മിഷേലിനെ പുരസ്കാരത്തിന് അർഹയാക്കിയതെന്നു സമിതി നിരീക്ഷിച്ചു.